08/08/2021
kya kehna hurre zeeshan kya martaba paya hai
shabbir ki ulfat mein sar apna kataya hai
maula pe kiya narga jab fauje yazeedi ne
band abo hawa kar di aor rasta roka hai
garmi ka zamana hai aor pyass ki shiddat hai
bacche jo tadapte hai ek shor hai guga hai
bacho ki sada sun kr muh peet liya hur ne
maula ki taraf aaya aor chouda(छोड़ा) risala hai
maula ne kaha jao abbas ali akbar
izzat se usse lao mehman hamara hai
khud chand kadam hazrat lene ko badhe hur ko
haathon ko woh jodhe hai aor pao pe girta hai
kehta hai woh ro ro kar ho uff meri galti
in zalimo beden ne hazrat ko sataya hai
ab mujh ko izazat hu qurban hoon mein phle
hur hi ne to ay maula yahan apkko roka hai
maula ne kaha ay hur kya tujko izazat do
mehmani teri kar loo.n mehman hamara hai
hur ne ye kaha ro kr qurban hoon mein maula
jannat mein ho mehmani ye dil mein irada hai
ro ro ke kiya ruksat mehman ko hazrat ne
hur le ke izazat ab maidan mein aaya hai
kuffar ka majma hai aor teroo.n ki baarish hai
sad haif hur-e-zeesha.n maidan mein akela hai
sab tot pade zalim aik hure dilawar par
naize pe naiza aor gurz bhi mara hai
godhe se giraya hai shabbir k mehman ko
aor laash pe mehmaan ki kuffar ka narga hai
betaab bayaa.n kiya ho jo hal tha sarwar ka
ro ro ke ye kehte the mehmaan ko maara hai