18/08/2023
Jab Giray Ghoray Se Maqtal May Shehay Karbobala
Khanjaray Zulm Liye Shimray Sitamgaar Barha
Dee Tarap Kar Daray Khaima Se Ye Zainab Ne Sada
Abhi Khanjar Na Chala, Abhi Khanjar Na Chala
Zalim abi khanjar na chala..
Loot Mat Beheray Khuda Fatima Zehra Ka Chayn
Aur Kuch Der Teher Jaa Aray Zalim Ke Husain
Bakshish E Ummatay Jadd Ki Abhi Kartay Hain Dua
Dashtay Ghurbat Pe Musafir Ko Hai Ghera Zalim
Kya Bigaarha Hai Mere Bhai Ne Tera Zalim
Kya Khata Hai Mere Bhai Ki Bata Beheray Khuda
Theen Din Hogaye Pyaasa Hai Nabi Ka Jaani
Zibha Karna Hai Toh Doh Ghoont Piladay Paani
Kund Khanjar Hai Mere Bhai Ka Sookha Hai Gala
Bosa Gaahay Nabawi Hai Ye Gala Aye Zalim
Sheh Ragay Deen Pe Khanjar Na Chala Aye Zalim
Choomtay Thay Issi Halqoom Ko Mehboob E Khuda
Chorh Kar Khuld Zara Fatahay Khaybar Aa Lay
Aur Kuch Der Teher Jaa Ke Payambar Aa Lay
Aati He Hongi Woh Aa Lenay De Amma Ko Zara
Sheh Ragay Deen Pe Chalta Huwa Khanjar Dekhein
Aakay Zehra O Nabi Bhi Toh Ye Manzar Dekhein
Door Hai Raahay Najaf Aatay He Hongay Baba
Kya Karoon Jaaon Kahan Kis Ko Pukaroon Bhai
Kaisay Dekhegi Tumhay Torhtay Dum Maa Jaayi
Ya Ilahi Mujhay Shabbir Se Pehlay Lay Utha
Haye Kis Dil Se Karoon Tazkira E Jor O Jafa
Kat Gaya Saamnay Zainab Ke Shahay Dee(N) Ka Gala
Cheekhti Rehgayi Zainab Saray Maqtal Ba Khuda
