23/07/2023
Akbar (A.s.) Tumhe Maloom Hai Kya Maang Rahé Ho,
Tum Baap Sé Marné Ki Reza Maang Rahé Ho…..2
Is Aalamé Ghurbat Mein Tumhe Jaané Doon Kaisé,
Is Dashté Musibat Mein Tumhe Jaané Doon Kaisé,
Is Waqté Kayamat Mein Tumhe Jaané Doon Kaisé,
Ay Laal Jo Tum Izné Wigaa Maang Rahé Ho
Tum Baap Se Mar Ne Ki Riza Maang Rahe Ho .......
Kya Guzrégi Iss Baap Ké Dil Par Nahin Socha
Tumné Yé Meri Jaan Ali Akbar (A.s.) Nahin Socha
Mar Jaunga Main Tujhse Bichhad Kar Nahi Socha
Tum Mujhse Zaeefi Ka Asaa Maang Rahe Ho
Tum Baap Se Mar Ne Ki Riza Maang Rahe Ho .......
Dil Rota Hain Nazron Sé Agar Door Ho Béta
Kis Tarha Judaai Teri Manzoor Ho Béta
Tum Hi Méri Ankhein Ho Méra Noor Ho Béta
Mujhsé Méri Ankhon Ki Ziya Maang Rahe Ho
Tum Baap Se Mar Ne Ki Riza Maang Rahe Ho .......
Duniya Sé Gaya Jis Ghadi Mehboob Khuda Ka
Nana Ki Ziyarat Ko Tadapta Tha Nawassa
Aye Laal Tujhé Is Liyé Khaalik Sé Tha Manga
Maqbool Huwi Méri Dua Maang Rahe Ho
Tum Baap Se Mar Ne Ki Riza Maang Rahe Ho .......
Islam Pé Khud Apna Lahoo Rann Mein Bahao
Siné Pé Sina Shaan Sé Maidaan Mein Khaao
Tasweer Payambar Ki Tahé Khaak Milao
Kya Is Liyé Marné Ki Riza Maang Rahe Ho
Tum Baap Se Mar Ne Ki Riza Maang Rahe Ho .......
Ek Roz Tujhé Aan Ké Manga Tha Phuphi Né
Atthara Baras Naazon Sé Paala Tha Phuphi Né
Béton Sé Bhi Zyada Tumhé Chaha Tha Phuphi Né
Ehsaan Jo Zainab (S.a.) Né Kiya Maang Rahé Ho
Tum Baap Se Mar Ne Ki Riza Maang Rahe Ho .......
Rakhté Nahi Tum Iski Khabar Aye Méré Pyaré
Kis Darja Mohabbat Hai Téri Dil Mein Humaaré
Nana Ki Méré Shakl Hai Paikar Mein Tumharé
Tum Sooraté Mehboobé Khuda Maang Rahé Ho
Tum Baap Se Mar Ne Ki Riza Maang Rahe Ho .......
Sar Tera Bhi Jiss Waqt Chadhega Sare Naiza
Hoga Saré Maidaan Juda Sar Bhi Tumhara
Hum Shaklé Payambar Ka Gala Kaaténgé Aadaa
Goya Méré Nana Ka Gala Maang Rahé Ho
Tum Baap Se Mar Ne Ki Riza Maang Rahe Ho .......
Baba Mujhé Maloom Hai Kya Maang Raha Hoon
Ek Baap Sé Marné Ki Riza Maang Raha Hoon
Baba Mujhé Amma Ne Bhi Kuch Dars Diya Hai
Adab É Wafa Sé Mujhé Aagah Kiya Hai
Pehlé Mein Maru Aap Sé Wada Yé Liya Hai
Buss Is Liyé Marné Ki Riza Maang Raha Hoon
Ek Baap Se Marne Ki Riza Maang Raha Hun ...
Baba Mujhe Maaloom Hai Kya Maang Raha Hun…..
Hai Aap To Baba Biné Khaatooné Qayamat (S.a.)
Aur Maa Hai Méri Adna Si Ék Pehkaré Ismat
Kya Siné Mein Us Pé Nahin Kuch Jalbahé Ismat
Mein Madaré Muztar Ka Kaha Maan Raha Hoon
Ek Baap Se Marne Ki Riza Maang Raha Hun ...
Baba Mujhe Maaloom Hai Kya Maang Raha Hun…..
Baba Mujhé Ehwaalé Dilé Zaar Pata Hai
Hai Sakht Bohat Manzilé Dushwaar Pata Hai
Aur Deen Ka Mushkil Mein Hai Sardaar Pata Hai
Yun Aap Sé Marné Ki Riza Mangu Raha Hoon
Ek Baap Se Marne Ki Riza Mangu Raha Hun ...
Baba Mujhe Maloom Hai Kya Maang Raha Hun
Mai Shaer E Has Aat Jigar Soz Hu Khursheed
Mehve Gham E Shabbir (A.s.)Shab O Roz Hu Khurshid
Aalaam E Masaeb Se Zamee'n Doz Hu Khurshid
Kashkol Me Kuch Ashq E Aza Maang Raha Hu
Ek Baap Se Marne Ki Riza Mangu Raha Hun ...
Baba Mujhe Maloom Hai Kya Maang Raha Hun
---------------------------------------------------------
Reciter : SAHEBE ALAM ZAIDI Poetry : JANAB KHURSHEED SB
