10/07/2026
Deikar Alam jo Shah Ne Haider Bana Diya
Saqqa ne saara saahil Khaibar bana diya hai
Deikar Alam jo Shah Ne Haider Bana Diya hai
Aaye Ali to Rabb ne Khushaamdeed kah kar
Deewar mein Haram ki, ek dar bana diya hai
Deikar Alam jo Shah Ne Haider Bana Diya hai
Saj kar ImambaRa hum yeh samajh rahey hain
Jannat ke raastey mein ek ghar bana diya hai
Deikar Alam jo Shah Ne Haider Bana Diya hai
Pehnai ja rahi hai duniya mein mannaton se
Aabid ne hathkadi ko zewar bana diya hai
Deikar Alam jo Shah Ne Haider Bana Diya hai
Mahshar bapa kiye hain do ungliyan Ali ki
Bachcho ka ek gharonda khaibar bana diya hai
Deikar Alam jo Shah Ne Haider Bana Diya hai
Naame yazeed dar dar phirta hai muh chupaye
Aisa Hussain tum-ne beghar bana diya hai
Deikar Alam jo Shah Ne Haider Bana Diya hai
Apne mujahidon ko saj kar Hussain ne bhi
Salman bana diya hai Bu-zar bana diya hai
Deikar Alam jo Shah Ne Haider Bana Diya hai
Abbas ki sujahaat Saahil par koi dekhe
Haidar se milta-julta tewar bana diya hai
Deikar Alam jo Shah Ne Haider Bana Diya hai
Mimbar par ja ke Khum meiN, Mursal ne Murtaza ko
Maula bana ke sab se badktar bana diya hai
Deikar Alam jo Shah Ne Haider Bana Diya hai
Madh e Ali ki khatir kitne hi Meesamo ne
Duniya mein sooliyon ko mimber bana diya hai
Deikar Alam jo Shah Ne Haider Bana Diya hai
Kismat ne mujhko Mahir* meraj baksh di hai
Mujhko ghulam e Shah e Qambar bana diya hai
Deikar Alam jo Shah Ne Haider Bana Diya hai
_______________________________
Kalaam: Janab Mahir Lucknowi
Recited by: Janab Fazil Hussain Naqvi Lucknowi
Anjuman: Raunak e Deen e Islam, Lucknow
