10/07/2026
ImaaN ke ujaale haiN, Aashoor ki garmi hai
Shabbir ki qismat hai, aur goad ke paale haiN
ImaaN ke ujaale haiN, Aashoor ki garmi hai
YahaN dil taho baala hai, wahaN Jaan ke laale haiN
Shabbir zaifee meiN Akbar ko sambhaale haiN
ImaaN ke ujaale haiN, Aashoor ki garmi hai
Jis tarha koi chaahe, ghar loot le pyaasoN ka
Jalti hui reiti par,sab chaahne waale haiN
ImaaN ke ujaale haiN, Aashoor ki garmi hai
Abid ko koi deikhe, darbar meiN Koofe ke
Beirdi ko uthaaey haiN, Zanjeer sambhaale haiN
ImaaN ke ujaale haiN, Aashoor ki garmi hai
Suljhaya tha Laila ne, uljhi hui zulfoN ko
Phir maut ne aey Akbar, bal geisuoN waale haiN
ImaaN ke ujaale haiN, Aashoor ki garmi hai
Deikho to Ali Asghar, aaghosh meiN Baba ki
Kya kaaNpte haatoN se Ummat ko sambhaale haiN
ImaaN ke ujaale haiN, Aashoor ki garmi hai
Be'faiz zamaane se, kya usko gharaz koi
Ab Fazl* ki duniya ke Shabbir ujaale haiN
ImaaN ke ujaale haiN, Aashoor ki garmi hai
____________________________________
Poet: Janab Fazil Hussain Naqvi Lucknowi
Recited by: Janab Fazil Hussain Naqvi Lucknowi
Anjuman: Raunak e Deen e Islam, Lucknow
