10/07/2026
Jis zulm se Shabbir ke khaimon mein lagi aag
Aise to kisi daur mein, dekhi na suni aag
Jis zulm se Shabbir ke khaimon mein lagi aag
Angaroon par maatam tera hum karte hain Shabbir
Yeh bhi tera ejaaz hain, jo phool bani aag
Jis zulm se Shabbir ke khaimon mein lagi aag
Sajde ko kiya toone magar Shaa-e-shariyat
Jo toone lagaye thi, na who ruk na saki aag
Jis zulm se Shabbir ke khaimon mein lagi aag
Abbas ki talwaar hai tasweer-e-Qayamat
Yehi kaap ke bijli giri, who dekho lagi aag
Jis zulm se Shabbir ke khaimon mein lagi aag
Abbas ki talwaar se barsa lahoo itna
dariya se dhuwa.n uththa tarai me lagi aag
Jis zulm se Shabbir ke khaimon mein lagi aag
Ai doshe Mohammad(saww) ke maki.n kaba-e-imaan
sajdo.n se tere seena-e-batil me lagi aag
Jis zulm se Shabbir ke khaimon mein lagi aag
____________________________
Poet:Salik Lucknawi
Recited by: Janab Fazil Hussain Naqvi Lucknowi
Anjuman: Raunak e Deen e Islam, Lucknow
