03/09/2021
-------------------1-------------------
Qasim hoo.n karwan e shujaat ka meer hu
Doono jaha me aap hi apni nazeer hu
Khaibari mahaz ka mai qalageer hu
Talwar ka dhani hu qalam ka ameer hu
Seene me dil hai fatah e Badro Hunain Ka
Beta Hasan(as) ka hu to sipahi Husain(as) Ka
-------------------2-------------------
Zehra(s.a.)-O-Mustafa-O-Ali-O-Hasan Husain
Sajjad Aor Baqer-O-Jafar dilo ke chain
Kazim Raza Taqi-O-Naqi haq ki zab-O-zain
Khud Askari-O-Mehdi-E-Deen jaan-E-mashraqain
Awwal se taba sakine khazra ka aaina
Hum terhwe baras me hai Chauda ka aaina
-------------------3-------------------
Sar Par Hai khode naad-e-ali batha ki kileed
Pehne hue hai jism par hum zirh-e-al hadeed
Karte hai ran me waqt-e-wegha hamla-e-shadeed
Wo tegh hai ke jiska niwala hai har yazeed
Patka kamar me hai shah-e-aali sefaat ka
Taweez bazuo.n pa hai baba ke haath ka
-------------------4-------------------
Sher-e-Khuda ke sher kaha aor kaha Ghizaal
Nad-E-Ali kaha , kaha ye harfe paaemaal
Shami Jabeen-E-Kufr ke qatrat-E-Infeaal
Kausar ke maaliko se kare baat ye majaal
Qehte nasab ke phal hai ye shiri samar nahi
Tareekh ko bhi inke shajar ki khabar nahi
-------------------5-------------------
Yakja yaha pa kiske sahare hue ho tum
Kya soch kar wegha ke sharare hue ho tum
Bazm-E-Hudaibiya me bhi haare hue ho tum
Baba Hasan ki sulh ke maare hue ho tum
Musa hai sahilo ke tamasho.n se kya lade
Hum Malik-E-Hayat hai lasho se kya lade
-------------------6-------------------
Jaage ho shab ko dar se ke soe ho shamiyo
Aakhe to keh rahi hai ke roe ho shamiyo
Buzdil safo ko saf me piroe ho shamiyo
Abtak kuma ke dasht me khoe ho shamiyo
Kya Bhool ho gayi hai ye samjhoge der se
Jangal me ladne aae ho tum wo bhi sher se
-------------------7-------------------
Ye tegh wo hai jo kabhi khoti nahi shikar
har dushman-E-Husain se rakhti hai dil me khar
Asghar ki parwi me humakti hasi baar baar
Ye tegh wo hai jiski saheli hai zulfeqaar
Maida.n me apne shaoq nibhati hai shaoq se
Shami kabab ho to ye khati hai shaoq se
-------------------8-------------------
Kal shab Ali ki jaan se kya keh rahe the tum
Himmat ke aasman se kya keh rahe the tum
Ghairat ki us chattan se kya keh rahe the tum
Apni najis zaban se kya keh rahe the tum
Ranjishe.n Ibne Fatah-E-Badr-O-Hunain se
Apni to bas ladai hai hazrat Husain se
-------------------9-------------------
Fauje kaseer dekh ke itra rahe ho tum
Hinda ki lae me badr-O-ohad gaa rahe tum
Bughz-E-Abu turaab me bal kha rahe ho tum
Khamosh hai to muh pa chadhe aa rahe tum
Tukdo me baat denge labo.n ki kamaan ko
Guddi se khaich lenge tumhaari zabaan ko.
..To be continued
