03/09/2021
---------------------1------------------------
Thi aarzo ke deed-e-shabbir nam na ho
tanha miyan-e-dasht imam-e-umam na ho
dil narm hai Husain ka baar-e-alam na ho
bhai ko mere foj ki qillat ka gham na ho
Ghazi Diler Nasir-O-Jarrar kar diya
Do kamsino ko haidar-E-Karrar kar diya
---------------------2------------------------
Maa ne pila ke sheer kiya hai tumhe diler
Tum dhoop me tawana ho tashna labi me ser
Gar tegh khaich lo to zabardast bhi ho zer
Tifl bhi to hote hai shero.n ke Ghar ke shero
Tum mazhar-E-Sifaat khuda ke wali ke ho
Dushman ko ye bata do nawase Ali ke ho
---------------------3------------------------
Talwar yu chalao ke lashkar dohai de
dad-E-wegha najaf se Ali ki kalai de
jhankar Tegh-E-haq ki falak tak sunai de
dekhe jidhar ye maot ka pehra dikhai de
buzdil kahe ke ghazi-O-jarrar aa gaye
kya har taraf se haidar-E-karrar aa gaye
---------------------4------------------------
Nikle jo khaima gaah se zainab ke mehlaqa
aahe qadam badhae ba andaz-E-lafata
dekha jo bhanjo.n me qayamat ka walwala
maidan ki samt dekh ke abbas ne kaha
Ab der mat karo ke chadhai ki der hai
fasle.n khadi hui hai katai ki der hai
---------------------5------------------------
Maida.n udhar ho saaf jidhar lad rahe ho tum
Ho jaae dushmano ko khabar kidhar lad rahe ho tum
is bheed me idhar ke udhar lad rahe ho tum
ye tai na ho sake ke kidhar lad rahe ho tum
mai ghut raha hoo.n tum mere arma nikaal do
agli safo ko aakhri saf par uchaal do
---------------------6------------------------
Ran me ajal ke ghero.n se ladne ko aae hai
Shami hai ajal ke savero se ladne ko aae hai
buzdil hai par dilero se ladne ko aae hai
She-E-Khuda ke shero se ladne ko aae hai
Wo zarbato.n me zor ho jibril kaap jae
Raftar dekh kar Malak-Ul-Mot haaf jae
---------------------7------------------------
Qehr-E-Ilaah ban ke karo dushmano par waar
Wo waar jisse Ek ho do aor do ho char
Sar inke yo udao ke jaise ude ghubaar
Ladne pe aae sher to kya ek kya hazar
meri tarha chadha ke zara aasteen ko
lashkar samait aaj ulat do zameen ko
..continued