07/07/2025
Sab Ki Ridaon Ka Nigehdar Hai
Ghazi Mera Aaisa Wafadar hai
Chheen Nahi Sakhta Koi Chadhren
Jab Talak Abbas Alamdar Hai
Ye Kehke Behno Ko
Zainab Ka Tasali Daina
Abbas Hai Na
Har Aik Behan Ko Bhai Pe Maan Hota Hai
Jahan Main Bhai To Behno Ki Jaan Hota Hai
Ghamo Ki Dhoop Main Wo Saibaan Hota Hai
Bas Iss Yaqeen Se Khaimo Mai Mutmayin Rehna
Haram Ki Aas Bandhati Raho Meri Khuahar
Batao Inko Brosa Hai Kitna Ghazi Par
Rahain Wo Bazo Salamat Dua Karo Mil Kar
Nazar Utha Kar Dar e Khaima Par To Dekho Na
Isi Ke Sath Aamari Mai Ain Thi.n Ghar Se
Bohat Mujhe Bhi Hai Dharas Isi Bradar Se
Na Hone De Ga Wo Mehroom Ham Ko Chadar Se
Badhe Jo Ranj Ke Saye To Bas Yehi Kahna
Dikhai De Tumhe Jis Dam Yazeed Ka Lashkar
Dikhayen Wo Tumhe Talwaar o Naiza o Khanjar
Chamakte Ke Naizo Pe Par Jai Agar Tumhari Nazar
Tum Apne Dil Mai Jagga Khouf Ko Nahi Dena
Kaha Ye Ghazi Ne Kulsoom Se Meri Khuahar
Fida Hussain Pe Har Maa Kare Gi Apne Pisar
Jo Tere Bete Nahi Hain To Koi Gam Na Kar
Teri Taraf Se Fida Sheh Pe Hone Ko Behna
Phophi Ye Boli Sakina Se Ae Meri Bachi
Chacha Se Keh do Wo Le Aayen Ge Abhi Pani
Ye Mashk Kia Hai Wo Dariya Utha Ke Wo Lade Abhi
Bas Apni Aankh Main Anso Na Aaine Daina
Bayan Kaise Wo Manzar Ho Dono Janib Ka
Udhar Traye Pe Ghazi Ka Mashk Ko Bharna
Kate Jo Bazu Chhidi Mashk Sara Pani Baha
Idhar Sakina Ka Pyason Ko Dilasa Dena
Tere Hasham Pe Hain Qurban Mazhar o Farhan
Alam Gharo Pe Lagata Hai Aaj Sara Jahan
Hai Tuhi Ab Bhi Gareebon Ka Bekasoo Ka Maan
Alam Ko Daikh Ke Har Waqt Bas Yehi Kahna
