24/07/2023
Baba
Ay Baba Main Sakina
Meri Halat Zara Dekho Baba
Ball Bikhry Hain Mery Baba
Pyas Sy Khushk Gala
Jal Gaye Khaimay Sabhi Jal Gya Mera Kurta Baba
Balian Chin Gaiin Kanon Sy Lahu Behta Raha
Ay Baba
Mery Rukhsar Thy Chotay Baba
Shimr Ka Hath Barha Tha
Us Ny Mara Jo Tamancha
Hua Zakhmi Mera Chehra
Kya Yateemon Py Sitam Karta Hai Koi Aisa
Aap Nay Naam Mera Rakha Sakina Baba
Mujhy Koi Bhi Sakina Nahi Kehta Baba
Ab Mujhy Kehtay Hain Sab Log Yateema Baba
Ay Baba
Aap Ky Bad Barhay Zakhm Milay Hain Baba
Suno Din Rat Meray Kaisay Katy Hain Baba
Baba Main Sakina Baba Main Yateema
Jal Gaye Khaimay Bhi Asbaab Bhi Sab Loot Liya
Jhoola Bey Sheer Ka Sajjad Ka Bistar Bhi Jala
Shimr Nay Kaanon Sy Ay Baba Gohar Khainch Liye
Aag Daman Mein Lagi Khoon Bhara Hai Kurta
Mujh Ko Durron Say Tamanchon Say Hai Itna Mara
Pusht Zakhmi Hai Meri Zakhmi Hai Chehra Sara
Baba Main Sakina Baba Main Yateema
Dhundnay Aap Ko Main Dasht E Bayabaan Gai
Aap Ki Khushboo Say Main Aap Ko Pehchan Gai
Aap Kay Seenay Py Kuch Dair Ko Neend Aai Mujhay
Shimr Nay Aisay Jagaya Keh Meri Jaan Gai
Khainch Kar Baal Meray Tum Say Churhaya Baba
Jab Main Roi To Mujhy Durra Lagaya Baba
Baba Main Sakina Baba Main Yateema
Raah Mein Aap Nay Kya Dekha Nahi Yeh Manzar
Munh Ky Ball Main Jab Giri Naaqay Say Doran E Safar
Pusht Bhi Zakhmi Thi Chehra Bhi Hua Phir Zakhmi
Mery Zakhmon Mein Chubhay Garm Zameen Ky Pathar
Aap Bhi Mujh Ko Na Pehchanen Woh Halat Thi Meri
Main Wohi Beti Hun Jo Zeen Py Soti Thi Kabhi
Baba Main Sakina Baba Main Yateema
Dam Mera Ghut’ta Tha Jab Khichti Thi Har Bar Rasan
Larhkharhaty Thy Qadam Chalnay Na Deti Thi Thakan
Main Kabhi Panjon Py Chalti Thi Kabhi Kanton Par
Paon Mein Chalay Thay Aur Chalon Mein Hoti Thi Chubhan
Jeetay Jee Baat Yehi Baba Mujhay Maar Gai
Aik Mujrim Ki Tarah Baba Main Darbar Gai
Baba Main Sakina Baba Main Yateema
Yeh Sitam Dekh Ky Ay Baba Main Kiun Mar Na Gai
Aap Ky Sar Py Charhi Maar Ky Hansta Tha Shaki
Saat So Kursi Nasheen Bethy Thy Khamosh Sabhi
Haye Sadaat Ky Haq Mein Nahi Bola Koi
Bibiyon Nay Mujhy Halqay Mein Chupaya Baba
Mujh Ko Zaalim Ny Kaneezi Mein Jo Maanga Baba
Baba Main Sakina Baba Main Yateema
Qaid Mein Mazhar O Farhan Sakina Nay Kaha
Sab Ko Zindaan Mein Mujhy Zair E Zameen Qaid Kiya
Tha Wahan Itna Andhera Keh Main Ghabrati Thi
Na Phuphi Sath Na Amman Thi Na Bhaiya Mera
Aap Ka Sar Jo Mila Baba Mujhy Chain Mila
Ab Mily Ya Na Mily Mujh Ko Rihaai Baba
Baba Main Sakina Baba Main Yateema
