07/07/2025
Ye Izat Dar Gharana Hai
Syed Sardar Gharana Hai
Ye Izat Dar Gharana Hai
Malka Hai Khadija Is Ghar Ki
Maalik Hasnain Ka Nana Hai
Ye Izat Dar Gharana Hai
Sari Aayaat e Qurani
Is Ghar Ki Shan Main Utri Hain
Ye Pak Muhammad Ka Ghar Hai
Yahan Fatima Zehra Rehti Hain
Aawaz Yahan Nichi Rakhna
Allah Ka Ye Farmana Hai
Jo Inka Dushman Hai Un Par
Allah Bhi Lanat Karta Hai
Is Ghar Main Rehne Walon Ka
Quran Main Shajra Milta Hai
Kaaba Karta Hai Salam Uss Ko
Is Baat Ko Jis Ne Mana Hai
Sardar Farishton Ka Aakar
Is Ghar Main Jhulata Hai Jhola
Haan Takht Aur Taaj Ko Thukra Kar
Aai Hain Kanezi Main Fizza
Nokar Jo Bhi Hai Iss Ghar Ka
Andaaz Uska Shahana Hai
Khali Nahi Jata Koi Bhi
Sab Ke Daman Bhar Jate Hain
Jab Rotiyan Bantti Hain Zehra
Yahan Aasman Wale Aate Hain
Batta Hai Tabaruk Ki Soorat
Iss Ghar Ka Jo Bhi Khana Hai
Jis Ghar Par Ho Ghazi Ka Alam
Karti Hain Fatima Zehra Karam
Hum Log Hussaini Hain Chhat Par
Kyun Na Lehraain Ye Parcham
Ye Alam Lagane Ka Maqsad
Dunya Ko Ye Batlana Hai
Sadqa Ye Diya Hai Bachon Ka
Bibi Ne Apne Nokar Ko
Farhan Enhi Ki Majlis Ne
Zeeshan Banaya Hai Ghar Ko
Mera Ghar Koi Aam Nahi Is Main
Zehra Ka Aana Jana Hai
Izzat Jo Badi Thi To
Musebat Bhi Badi Thi
Jo Ghar Tha Muhammad Ka
Wahan Aag Lagi Thi
Izzat Bhi Badi Ghurbat Bhi Badi
Jis Dar Pe Nabi Karte The Salam
Us Darwaze Ko Jalaya Gaya
Kabe Main Zuhoor Hua Jis Ka
Masjid Main Us Ko Qatl Kiya
Pehlo Main Nabi Ke Jo Tha Pala
Wohi Pehlo Main Na Dafan Hua
Jise Khuld Se Kapde Bhaije Gaye
Be Kafan Raha Us Ka Lasha
Jo Ghar Kosar Ka Maalik Tha
Usse Dasht Main Pyasa Maar Diya
Qaim Tha Parda Jin Se
Unhain Bazar Main Laye Be Parda
Hain Jin Ke Sadqe Main Dunya
Haye Un Pe Sadqa Phenka Gaya
Azad Karaye Jo Qaidi
Haye Wo Gharana Qaid Hua
