07/07/2025
Karbala Basa Kar Apna Ghar Luta Kar
Godh Ke Sabhi Pale Rait Main Chhupa Kar
Karbala Se Shaam Ja Rahe Hain Hussain
Naize Pe Quran Suna Rahe Hain Hussain
Karbala Se Shaam Ja Rahe Hain Hussain
Jang e Karbala Ko Maine Fatah Kar Liya
Fateh e Damishq Hogi Bint e Sayeda
Ye Qadam Qadam Bata Rahe Hain Hussain
Naize Pe Quran Suna Rahe Hain Hussain
Bibiyon Ke Sar Khule Koi Na Dekh Le
Har Nigah Meri Samt Hi Jami Rahe
Sab Ko Mojza Dikha Rahe Hain Hussain
Naize Pe Quran Suna Rahe Hain Hussain
Bain The Sakina Ke Main Ro Nahi Saki
Baba Kitne Din Huwe Main So Nahi Saki
Lori Beti Ko Suna Rahe Hain Hussain
Naize Pe Quran Suna Rahe Hain Hussain
Be Rida Haram Hain Char Samt Ahl e Shar
Khon Ro Raha Hai Sarban Jhukaye Sar
Uska Honsla Badha Rahe Hain Hussain
Naize Pe Quran Suna Rahe Hain Hussain
Aag Aur Pathron Ki Barishein Huin
Zakhmi Sar Behn Ka Hai Lahu Lahu Jabeen
Zakhm Pathron Se Kha Rahe Hain Hussain
Naize Pe Quran Suna Rahe Hain Hussain
Jab Suna Ye Shereen Ne To Ro Ke Di Sada
Jaag Utha Naseeb Mera Ae Mere Khuda
Aaj Mere Ghar Pe Aa Rahe Hain Hussain
Naize Pe Quran Suna Rahe Hain Hussain
Bete Bhanje Bhatije Ban Mein So Chuke
Alqama Pe Sher Jaisa Bhai Kho Chuke
Wada Aakhri Nibha Rahe Hain Hussain
Naize Pe Quran Suna Rahe Hain Hussain
Qafle Se Mutmayin Imam Ho Gaye
Sham Pohnche Khatm Sare Kaam Ho Gaye
Nana Se Duayain Pa Rahe Hain Hussain
Naize Pe Quran Suna Rahe Hain Hussain
Mante Hain Matami Bhi Aur Farhan Bhi
Dastan e Gham Safar Ki Mazhar Abidi
Likh Raha Hoon Main Likha Rahe Hain Hussain
Naize Pe Quran Suna Rahe Hain Hussain
