18/08/2024
Din Hai Aashur Ka Or Asar Ki Aai Hai Ghadi
Gird Laashon Ke Akela Hai Hussain Ibn e Ali
Ghair Lo Maro Ise Shor Hai Lashkar Mein Yehi
Dekho Zakhmi Bhi Hai Pyasa Bhi Hai Taari Hai Ghashi
Haye Sar Pitti Maidan Mein Aain Zehra
Maan Ko Jab Dekha Shah e Deen Ne Ye Ro Ro Ke Kaha
Amma
Teer Talwar Liye Foj Khari Saari Hai
Amma Dekho Ye Mere Qatl Ki Tayari Hai
Koi Talwar Se Maare Koi Maare Khanjar
Bhaala Mara Hai Kisi Ne To Kisi Ne Pathar
Khoon Se Chehra Bhara, Gurz Laga Hai Sar Par
Khaak Jalti Huwi Phenki Hai Mere Zakhamo Par
Zakham Itne Hain Ke Har Zakham Se Khoon Jari Hai
Amma Dekho Ye Mere Qatl Ki Tayari Hai
Amma Mera Ye Badan Chhalni Huwa Kuchh Aise
Teer Seene Pe Lage Pusht Se Bahar Nikle
AIk Naiza Hai Huwa Paar Jo Pehlu Se Mere
Dard Uthta Hai Har Ik Tooti Huwi Pasli Se
Saans Laine Mein Bhi Amma Badi Dushwari Hai
Amma Dekho Ye Mere Qatl Ki Tayari Hai
Teer Talwar Liye Foj Khari Saari Hai
Amma Dekho Ye Mere Qatl Ki Tayari Hai
Zakham Khate Huwe Ghode Se Zameen Par Mein Gira
Tha Nidhaal Aisa Ke Utha Bhi Nahi Jata
Dekha Ye Haal To Phir Shimr Meri Samt Barha
Qatl Ghaa Tak Mujhe Baalon Se Pakar Kar Laya
Haan Tamache Mujhe Thokar Bhi Mujhe Maari Hai
Amma Dekho Ye Mere Qatl Ki Tayari Hai
Tez Khanjar Jo Abhi Shimr Ne Hathon Mein Liya
Maar Ke Zor Se Pathar Pe Ise Kund Kya
Meri Haalat Pe Ise Reham Nahi Aaye Ga
Tera Zarbon Se Mera Sookha Gala Katte Ga
Pas e Gardan Pe Har Ik Zarb Bohat Bhaari Hai
Amma Dekho Ye Mere Qatl Ki Tayari Hai
Teer Talwar Liye Foj Khari Saari Hai
Amma Dekho Ye Mere Qatl Ki Tayari Hai
Dekha Jata Nahi Amma Badi Mushkil Hai Ghadi
Rait Ke Teele Pe Dekho Meri Zainab Hai Khari
Bhai Ka Kat-ta Gala Aaj Behan Dekhe Gi
Roke Chillaye Gi Sar Pite Gi Ghash Khaye Gi
Aik Ik Lamha Ye Zainab Pe Bohat Bhaari Hai
Amma Dekho Ye Mere Qatl Ki Tayari Hai
Bolin Phir Mazhar o Farhan Ye Zehra Rokar
Mein Tere Sath Hoon Har Lamha Mere Lakht e Jigar
Haaye Tharrai Zameen Chalne Laga Hai Khanjar
Rakh Diye Haath Teri Maan Ne Teri Gardan Per
Bole Shabbir Ke Haye Meri Lachari Hai
Amma Dekho Ye Mere Qatl Ki Tayari Hai
Teer Talwar Liye Foj Khari Saari Hai
Amma Dekho Ye Mere Qatl Ki Tayari Hai
Amma
