Chalees Baras Roona Koi Asaan Tu Nahi Hai
Wo Khoon K Ansoo Rota Raha Roona Tu Yehi Hai
Karb O Bala Se Taaba Madinah
Usko Har Manzar Ne Rulaya
Sajjad a.s Roya Aur Bohat Roya
Sajjad a.s Roya Aur Bohat Roya
Abid a.s Ko Zainab s.a Ne Jagaya Jab Hangamein Asr Howa
Khaimey Ka Jo Parda Hataya Zabt Ka Phir Yaranaa Raha
Pehli Baar Jo Shah a.s K Sar Ko Khooli Ne Naizey Pe Charhaya
Sajjad a.s Roya Aur Bohat Roya
Sajjad a.s Roya Aur Bohat Roya
Be Chaddar Saidaniyon Pe Bazaar Mein Pathar Jab Barse
Chehray Zakhmi Ho Jaty Thy Hath Pas E Gardan Thy Bandhay
Dekh K Yeh Manzar Ghazi a.s Ne Sar Ko Jab Naizay Se Giraya
Sajjad a.s Roya Aur Bohat Roya
Sajjad a.s Roya Aur Bohat Roya
Dekha Sajjad a.s Ne Aik Din Pani Le Aya Hai Shaki
Dil Mein Socha Ab Tu Meri Yeh Behna Pani Pee Ly Gi
Aur Sakina s.a Ne Woh Paani Jab Uski Bheiri Pe Giraya
Sajjad a.s Roya Aur Bohat Roya
Sajjad a.s Roya Aur Bohat Roya
Bola Jab Darbaar Mein Zalim Kon Hai In Mein Bint E Ali a.s
Us Dam Har Syedani Zainab s.a K Agay Pa Jati Thi
Bibiyon Ko Jab Shimr Laeen Ne Naam Unka Le Le K Bulaya
Sajjad a.s Roya Aur Bohat Roya
Sajjad a.s Roya Aur Bohat Roya
Fiza s.a Boli Zakhmon Mein Peyvast Hai Bachi Ka Kurta
Aur Kafan K Hoty Howay Sajjad s.a Kafan Bhi De Na Saka
Khoon Bhary Kurtay Mein Jis Dam Bali Sakina s.a Ko Dafnaya
Sajjad a.s Roya Aur Bohat Roya
Sajjad a.s Roya Aur Bohat Roya
Karb O Bala Se Aa K Madinah Jab Bazaar Wo Jata Tha
Dekh K Usko Daltay Thay Kasaab Zabhihon Par Kapra
Dekha Jab Bhi Koi Zabhiha Keh K Baba Haye Baba
Sajjad a.s Roya Aur Bohat Roya
Sajjad a.s Roya Aur Bohat Roya
Karta Hai Minhaal Riwayat Aksar Aisa Hota Tha
Jab Awaz Azaan Ki Aati Mera Mola Roota Tha
Aur Namaz K Waqt Kabhi Jo Pani Wazu Ka Samne Aya
Sajjad a.s Roya Aur Bohat Roya
Sajjad a.s Roya Aur Bohat Roya
Mere Betay Ki Shadi Hai Zohri Ne Aa Kar Jo Kaha
Yaad Aya Sajjad a.s Ko Apnay Bhai Akbar a.s Ka Lasha
Karb O Bala K Bad Kisi Ne Jab Usko Shadi Mein Bolaya
Sajjad a.s Roya Aur Bohat Roya
Sajjad a.s Roya Aur Bohat Roya
Baba Ka Be Gor E Kafan Lasha Mar K Bhi Yaad Raha
Haye Re Sajjad a.s Ka Lasha Khoon K Ansoo Rota Tha
Yaad Aai Bekafan Padar Ki Jab K Kafan Baqir a.s Ne Pehanaya
Sajjad a.s Roya Aur Bohat Roya
Sajjad a.s Roya Aur Bohat Roya
Zille Raza Meri Ankhon Mein Koi Bhi Lamha Aisa Nahi
Jis Lamhay Mein Mera Mola Khoon K Ansoo Roya Nahi
Noha Yeh Farhan Ali Ne Jab Bhi Kabhi Majlis Mein Sunaya
Sajjad a.s Roya Aur Bohat Roya
Sajjad a.s Roya Aur Bohat Roya
