15/08/2021

Ay Ronay Walo Hay Yea Gari Shor-O-Shain Ki

Tadfeen Ho Rahi Hay Imam Hussain as Ki

 

Kofay Say Aye Pehnay Jo Sajjad as Bediyan

Lase Hussain as Daikh Kay Ansu Huay Rawan

Hathon Ko Jodh Kar Kiya Beemar Nay Bayan

Baba as Tumhari Lash Ko Dondong Kahan Kahan

 

Kese Kafan Dung Lash Ko Gurbat Naseeb Hoon

Baba as Main Ajj Tum Say Ziada Ghareeb Hoon

 

Rokar Bani Asad Kay Qabeelay Ko Di Sada

Las Hussain as Mil Kay Ikhatta Karo Zara

Utray Laehad Main Shah Ki Beemar Karbala

Bolay Padhon Main Kis Tarah Talqeen Ya Khuda (J)

 

Rukh Kesay Soye Kaba Ho Zahra sa Kay Chain Ka

Sar Hi Nahi Yahan Mere Baba Hussain as Ka

 

Jitnay Bhi Tukray Mil Sakay Sab Chun Leay Gaye

Ahista Say Lehad Main Wo Beemar Nay Rakhay

Seenay Pay Hath Rakha Jo Betay Nay Bap Kay

Halat Pe Baba Jan as Ki Sajjad as Ro Paday

 

Bolay Ki Khud Bhi Is Waqat Dadi Jan sa

Toray Hain Is Tarah Mere Baba as Ki Pasliyan

 

Looti Hay Aesay Lash Ghareeb-ud-Diyar Ki

Godhon Say Pehlay Lash Ki Pamali Ki Gaye

Phir Kurta Aor Amama Aba Le Gaya Koi

Yea Hi Nahi Ki Sirf Anghothi Nahi Mili

 

Be-Ihtirami Ki Hay Youn Zahra sa Kay Chain Ki

Ungli Laeen Nay Kati Hay Baba Hussain as Ki

 

Teeron Say Sara Jism Hay Haye Bhara Hua

Pehlu Pay Baba Jan as Kay Hay Neeza Ghara Hua

Tera Jaghon Say Inka Gala Hay Kata Hua

Hay Tan Yahan Pay Sar Wahan Khoon Say Bhara Hua

 

Sar Daikh Kar Yaqeen Hay Mere Khandan Ko

Mara Patharon Say Mere Baba Jan as Ko

 

Badh Kar Bani-Asad Nay Yea Ik Bat Poch Li

Mola as Muaaf Kejeay Gar Ho Khata Koi

Choti Si Kia Yea Seenay Pay Shah Ki Rakhi Hui

Abid as Ki Bat Sun Kay Har Ik Maa Tarap Gaye

 

Bolay Yea Daikh Daikh Ki Dil Pash Pash Hay

Seenay Pay Baba Jan as Kay Asgar as Ki Lash Hay

 

Pocha Kisi Nay Mola as Barabar Main Kon Hay

Shabbir as Iskay Seenay Pay Kyon Hath Hain Rakhay

Lagta Hay Inko Piar Tha Is Nojawan Say

Akbar as Ka Nam Laitay Ho Sajjad as Ro Paday

 

Bolay Ki Hath Seenay Pay Yung Hay Rakha Hua

Hay Betay Kay Kaleejay Main Neeza Laga Hua

 

Aii Sada Yea Fatima Zahra sa Ki Qabr Say

Sajjad as Lout Jao Ki Baba as Ko Ro Chukay

Koofay Main Yad Karti Hay Beti Meri Tujhay

Tum To Yahan Ho Wo Bhala Awaz Kisko Day

 

Zainab sa Kay Dil Ko Aor Bhi Zalim Rulata Hay

Shimr (L) Laeen Behen Tamachay Lagata Hay

 

Sajjad as Karbala Kay Wo Manzar Ajeeb Thay

Farhan Aa Rahi Thi Yea Awaz Qabr Say

Milwa Do Beta Phir Zara Abbas as Say Mujhay

Bolo Kay Akhri Yea Meri Bat Man Lay

 

Abid as Pukaray Ay Dil Ehsas Ayeay

Mitti Lehad Pay Dalnay Abbas as Aaeyeay