Hain sab Hussain(as) tere naqsh e Pa ki Tasveerein
22/09/2021
Jabeen e Arsh pa Raushan Zia ki Tasveerein
Hain sab Hussain(as) tere naqsh e Pa ki Tasveerein
Palak jhapakte hi Abbas(as) ne Lab e Dariya
Alam utha ke badal di'n hawa ki tasveerein
Zameen e garm pa pyase musavviro'n ka lahu
Sanwarne laga khaak e Shifa ki Tasveerein
Har eik rang mein Shamil lahu hai Matam ka
Bana rahe hain Musavvir Aza ki tasveerein.
Hai mere saamne Jannat ka sadr Darwaza
Saji hui hain yahan Karbala ki Tasveerein
Bhigo raha hoon main palko'n ko ashk e matam se
Banaunga ab inhi se Dua ki tasveerein.
