05/08/2022
Shaheedon Ke Hain Ye Janaze
Ghareebon Ke Hain Ye Janaze
Azadaron Aao Mil Kar Uthao
72 Ke Taboot Hain
Parho Sath Noha Tum Ansu Bahao
72 Ke Taboot Hain
Azadaron Aao Mil Kar Uthao
72 Ke Taboot Hain
72 Ka Ik Din Mein Farzand E Zehra
Janaze Utha Kar Akele Hi Laya
Bari Bebasi Se Har Ik Simt Dekha
Nahi Tha Koi Bhi Madad Karne Wala
Tum Aashor Ka Din Tasawwur Mein Laao
72 Ke Taboot Hain
Azadaron Aao Mil Kar Uthao
72 Ke Taboot Hain
Huwa Jinka Maqtal Mein Pamaal Lasha
Kahin Par Badan The Kahin Unka Sar Tha
Wo Jinko Kafan Bhi Mayassar Na Aya
Nahi Tha Janazo Pe Un Sab Ke Saya
Rakho Phool In Par Kafan Tum Urhao
72 Ke Taboot Hain
Azadaron Aao Mil Kar Uthao
72 Ke Taboot Hain
Hurair O Zuhair Aur Hur, Wahab E Qalbi
Hain Jaun Aur Aabis Ke Jaise Sipahi
Saeed Aur Shozab, Habib E Hussaini
Wo Asghar Hon Qasim Hon Akbar Ya Ghazi
Hum Inke Hain Waris Jahan Ko Batao
72 Ke Taboot Hain
Azadaron Aao Mil Kar Uthao
72 Ke Taboot Hain
Hain Inme Sabhi Syeda Ke Dulare
Jinhe Bawafa Bhai Keh Kar Pukare
Sabhi The Hussain Ibne Haidar Ke Pyare
Alam Ke Hi Saye Mein Rehte The Sare
Tum Un Par Alam Ka Pharehra Bichhao
72 Ke Taboot Hain
Azadaron Aao Mil Kar Uthao
72 Ke Taboot Hain
Ik Aisa Ho Taboot Jis Par Ho Zehra
Uthe Aik Taboot Gathri Ke Jaisa
Ho Taboot Ke Sath Nanha Sa Jhoola
Magar Hai Jo Taboot Rab E Wafa Ka
Sakina Ka Mashkiza Us Par Sajaao
72 Ke Taboot Hain
Azadaron Aao Mil Kar Uthao
72 Ke Taboot Hain
Ab Is Silsile Ko Hai Aage Barhana
Jab Aao To Bachchon Ko Humraah Lana
Unhe Ye Adab Aur Saliqa Sikhana
Wirasat Ye Naslon Ko Tum Saunp Jana
Jo Zehra Se Wada Kia Wo Nibhao
72 Ke Taboot Hain
Azadaron Aao Mil Kar Uthao
72 Ke Taboot Hain
Ye Azlan O Mesum Jahan Ko Batana
Shah E Deen Ko In Sab Ne Tanha Na Chhora
Hum Inko Bhi Hone Nahi Denge Tanha
Duaein Hamain Dengi Khud Bibi Zehra
Dilon Ki Muradain Yahan Aake Paao
72 Ke Taboot Hain
Azadaron Aao Mil Kar Uthao
72 Ke Taboot Hain
