15/07/2021

Lo aa gaya bulawa

Sultan e Karbala ka

Jaga he muqaddar phir

Mehman e Karbala ka

 

Ya Hussain, Ya Hussain

 

Jaldi qadam barhao, Ay ashiqan-e-Maula

He muntazir tumhari, karbobala me Zahra

 

Sarhad pe karbala ki, Abbas bhi khare hein

Thamey huwe alam ko, tum se ye keh rahe hein

 

Khushamdid, Khushamadeed! Ay zairo, Khushamdeed

 

Safar e Ishq e Hussain

 

Wo ek sultanat-e-ishq, naam Karbobala

Azal se parcham-e-Abbas he nishaan jiska

Jahan pe naqsh he Maula Hussain ka sajda

Wahan pe karne ko Sajda, bula rahi he karbala, Bula rahe hein Hussain

 

Baghayr izn yahan koi aa nahi sakta

Ho khush naseeb ke tum aa rahe ho karbobala

Jo zaireeen me shamil tumhara naam huwa

Karo, na shukr ka sajda, bula rahi he karbala, bula rahe hein Hussain

 

Safar naseeb nahi sab ko ye khuda ki qasam

Hussain rakh-te hen khud apne zairon ka bharam

Agar, magar nahi socho, barhao apne qadam

Zara bhi der na karna, bula rahi he karbala, Bula rahe hein Hussain

 

Ye karbala ka safar, ba-khuda mawaddat he

Ajeeb tarz-e-muhabbat he ye ibadat he

Har ek munkir-e-Shabbir se baghawat he

Na rok paye gi dunya, bula rahi he karbala, Bula rahe hein Hussain

 

Ye karbala hi bataye gi itmenaan he kya

Najaf se Karbobala ke safar ki shaan he kya

Sabhi hen ek se, boorhay hein, aur jawan he kya

Har ek lab pe he naara, bula rahi he karbala, Bula rahe hein Hussain

 

Habib ne he ye zauja se apni farmaya

Bulawa aysa kisi ko kabhi nahi aaya

Hussain ne mujhe khat bhej kar he bulwaya

Mujhe he farz nibhana, bula rahi he karbala, Bula rahe hein Hussain

 

Rihayi shaam ke zindan se jo Haram ko mili

Tarap ke reh-gayi us waqt haye bint-e-Ali

Larazte lehje me Aabid ne jab sada he ye di

Khudara utho Sakina, bulaa rahi he karbala, Bula rahe hein Hussain

 

Haa is zameen pe firdausi silsile honge

Bashar ki shakl malaik ke qafele honge

Jo zaireen ki khidmat ke waste honge

Naseeb dekho tumhara bula rahi he karbala, Bula rahe hein Hussain

 

Itni asaani se tum log karo ge ye safar

Par suno aal-e-muhammad ke safar ka manzar

Nahi pani ki sabiley thi, na saya, na shajar

Shah ke kunbe pe baraste rahe har dam pathar

Uski behno ka tha rassi me gala

Na tawan beta he kanton pe chala

Pani beti ko mayassar na huwa

Khud woh neze pe tarapta hi raha

 

Dekho par Mesum o Salman kareemi ye zara

Apne zawwaron ko deta he wo ab bhi ye sada