05/08/2022
Haye Hasan Haye Hussain
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Khat Bhai Ka Parh Kar Roye Dil Dard Se Tharraya
Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Ek Pal Ke Liye Nazron Mein Phira
Bhai Ki Shahadat Ka Manzar
Kya Bain Kiye The Behnon Ne
Tha Tasht Mein Tukre Tukre Jigar
Qasim Ka Kahi’n Ye Haal Na Ho
Is Baat Ne Tarpaya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Tehreer Mein Shabbar Ne Ye Kaha
Taskeen E Mohabbat De Dena
Maqtal Ki Ijazat Jab Mange
Qasim Ko Ijazat De Dena
Tab Noha Kia Aur Qasim Ko
Seene Se Liptaya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Khat Parh Ke Ijazat Di Sheh Ne
Hathyar Sajaye Qasim Ne
Talwar Laga Kr Patke Mein
Jauhar Wo Dikhaye Qasim Ne
Sadqa Jo Utara Zainab Ne
Dil Shah Ka Bhar Aya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Ghore Se Gira Jab Ibne Hasan
Maula Ko Pukara Wa Waila
Pahuche Jo Shah E Deen Maqtal Mein
Pamal Badan Tha Qasim Ka
Bhai Ke Pisar Ko Maula Ne
Is Haal Mein Jab Paya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Phir Apni Aba Ke Daman Mein
Qasim Ko Sameta Maula Ne
Kis Tarha Uthaun Ye Lasha
Ghazi Ko Pukara Maula Ne
Qasim Ka Sarapa Tukro Mein
Taqdeer Ne Dikhlaya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Khaime Mein Jo Hi Laaye Laasha
Sar Ahle Haram Ne Peet Lia
Fizzah Ne Kaleja Thaam Lia
Zainab Ke Labo’n Par Noha Tha
Farwa Ki Taraf Dekha Sheh Ne
Aankho Mein Lahoo Aya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
Mesum Wo Qayamat Ka Manzar
Tehreer Mein Laya Hai Mazhar
Gathri Ko Jo Hi Khoola Sheh Ne
Saadat Huye Phir Khaak Basar
Ashko’n Ko Ali Ka Beta Bhi
Tab Rok Nahi Paya, Bhai Ko Bhai Yad Aaya
Taweez E Hasan Jab Qasim Ne Shabbir Ko Dikhlaya
Bhai Ko Bhai Yad Aaya
