20/06/2026

Shah e Khurasan, Waris e Quran, Ya Mola Raza Jaan Ye Sehn e Shifa Hai, Aur Lab Pe Dua Hai,
Darbaan Banoon Mai Bhi, Kardijiye Ehsaan 1. Jab Dar Pe Tere Aye Bala Talgayi Mola, Ik Hirz e Ilahi Hai Tera Naam Bhi Mola, Hum Log Salamat Hain Tere Dum Se Hi Mola, Shahe Mashhad Tera - Hai Sarron Par Saaya, Kis Baat Ka Dar Humko Jan Tu Hai Nigehbaan 2. Maqrooz e Karam Hai Tere Dar Ka Ye Zamana Hai Teri Sakhawat Ka Sakhawat Mai Bhi Charcha Iran Hi Kya Khaati Hai Duniya Tera Sadqa Tere Darbar Talak - Mangne Aye Malak Khaliq Ne Tere Ghar Ko Bakhshi Hai Alag Shaan 3. Masooma e Qum Ki Qasam Aijaz Dekhaado Tum Khaab Mai Hi Apna Deedar Dekhaado Rukhsar Mere Qabr Ki Jaali Se Lagaado Noor e Ain e Musa - Mere Aqa Maula Faryad Meri Sunlo Mai Tumpe Hoon Qurban Ye Sehn e Shifa Hai, Aur Lab Pe Dua Hai, Darbaan Banoon Mai Bhi, Kardijiye Ehsaan 4. Jo Ishq Hai Tujhse Usi Inaam Ka Sikka Hai Zamin e Ahu Ye Baray Kaam Ka Sikka Bazu Pe Jo Bandha Hai Tere Naam Ka Sikka Soorat e Nad e Ali - Hai Asr Is Ka Bhi Mushkil Ho Safar Jitna Kardete Ho Asaan 5. Tum Toos Ke Madfoon Shahenshah e Ajam Ho Tum Saare Zamaane Pe Hi Mayil Ba Karam Ho Sarkar Tum Hi Khaak Nasheeno Ka Bharam Ho Ya Mughees as Shia - Tum Ho Wo Darwaza Bakhshish Ka Banaya Hai Rab Ne Jisse Meezan Mola Raza, Mola Raza, Mola Raza Salamalayka Ghareebul Watan Ghareeb Imam Salam Aap Pe Ae Dilbare Rasoole Anaam Salam Aap Pe Syed Rauf Shah e Zaman Salam Aap Pe Pursane Haal e Khastaye Tan Salam Aap Pe Ae Sogware Karbobala Salam Aap Pe Ae Beqarar o Karb Zada Salamalayka Anees an Nafoos Ya Mola Salam Aap Pe Shams as Shamoos Ya Mola 6. Monis Ho Zaeefon Ke Moeen uz Zuafa Ho Hami Ho Ghareebon Ke Ghareebul Ghuraba Ho Tum Bhi To Azadar e Qateelal Abara Ho Har Ghari Har Lamha - Rahe Mehve Girya Tumne Bhi Rah e Haq Mai Sab Kardiya Qurban 7. Mamoon e Laeen Ne Ye Ajab Zulm Kiya Hai Angoor Mai Mola Ko Mere Zehr Diya Hai Neela Hai Badan Paas Bohot Waqt e Qaza Hai Dard Ka Alam Hai - Har Taraf Matam Hai Bechainiya Barhti Hain Kuch Pal Ke Hain Mehman 8. Bibi Koi Thaame Huay Pehlu e Shakista Ro Ro Ke Khurasan Mai Parhti Hai Ye Noha Aulaad e Payambar Ka Hai Dushman Ye Zamana Haal Shabbar Sa Hua - Khoon Ugalta Hai Raza Phir Aaj Hua Mera Pardes Me Nuqsaan 9. Ae Mir Hilal Aaj Bhi Dawa Hai Ye Mohkam Har Sahib e Irfan Ko Maloom Hai Mesum Ae Saakin e Mashhad Teri Matti Mai Hai Alam Wajd Mai Rehta Hoon - Jab Ali Kehta Hoon Phir Khatm Kiya Maine Dil Kehta Hai Quran