07/07/2025
Jab Suni Shah Ne Aawaz Jawan Bete Ki
Lash Aa Ke Ye Farmane Lage Sibt e Nabi
Ab Ankhain Khol Do Akber Sirhane Aagaya Baba
Zaeefi Main Jawan Lasha Uthane Aagaya Baba
Ab Ankhain Khol Do Akber Sirhane Aagaya Baba
Guzar Jayen Ge Ham Is Imtehan Se Ya Ali Keh Kar
Nikal Jaye Gi Ye Barchhi Na Ghabrana Mere Dilbar
Tumhara Hath Seene Se Hatane Aagaya Baba
Unho Ne Kya Samajh Rakha Tha Akbar Be Sahara Hain
Ishare Se Bata Do Kisne Kisne Tum Ko Mara Hai
Ulat Kar Aastin Mehshar Uthane Aagaya Baba
Chali Aai Thi Aadhe Raste Tak Sani e Zehra
Badi Mushkil Se Bheja Hai Qasam De Kar Teri Beta
Behen Kaise Tadapti Hai Batane Aagaya Baba
Kaha Tha Kis Ne Seene Main Tumhare Tod Kar Naiza
Ye Manzar Dekh Kar Shabeer Zinda Reh Na Paye Ga
Khabar Kar Do Usse Barchhi Chhudane Aagaya Baba
Lade Ho Dair Tak Thak To Gaye Ho Ge Mere Dilbar
Mujhe Mat Rookna Hargiz Tumhain Meri Qasam Akbar
Tumhare Chand Se Bazoo Dabane Aagaya Baba
Uthata Dhoom Se Maiyat Agar Hota Madine Main
Kafan Main De Nahi Sakta Yehi Hai Dard Seene Main
Amama Tum Ko Nana Ka Udhane Aagaya Baba
Jo Rota Dekhti Mujhko Tadap Jati Meri Madar
Main Khul Kar Roo Nahi Paya Muhammad Ke Janaze Par
Jo Aansoo Reh Gaye The Wo Bahane Aagaya Baba
Nazar Kaise Lage Gi Ab badan Sanson Se Khali Hai
Kalai Se Tumhari Kali Doori Khulne Wali Hai
Phuphi Ki Aakhri Manat Badhane Aagaya Baba
Nazar Aa Jaye Ga Tum Ko Behan Hai Ab Kahan Beta
Utho Dekho Hamari Ungliyon Ke Darmaya Beta
Tumhain Sughra Ki Tanhai Dikhane Aagaya Baba
Padhi Nad e Ali Le Kar Chale Sheh Lash e Akbar
Takallum Aai Pehlu Se Sadain Fath e Khaiber
Mere Beta Teri Himat Badhane Aagaya Baba
