Haye Asghar Mery Asghar
Ay Raj Dulary Asghar
Maan Tujh Ko Pukary Asghar
Meri Ankh Ky Tary Asghar
Aa Ja Mery Asghar
Ay Mery Be Zaban
Tum Reh Gaye Kahan
Asghar Jiye Gi Kaisy
Tery Baghair Maan
Chehra Woh Chand Jaisa
Kaisy Bhulaye Maan
Kya Waqt Aa Gaya Hai
Bano Ki Bey Kasi Par
Ghurbat Py Teri Matam
Kaisy Kary Gi Madar
Aada Ny Bandh Di Hain
Hathon Mein Rassian
Himmat Py Maan Tumhari
Qurban Kiun Na Jaye
Sunti Hun Teer Kha Kar
Tum Ran Mein Muskuraye
Madar Ki Laaj Rakh Li
Shabash Meri Jaan
Madar Ki Hai Wasiyat
Beta Khayal Rakhna
Goudi Mein In Ki Asghar
Jany Ki Zidd Na Karna
Pehly Hi Hai Shikasta
Dadi Ki Paslian
Kya Zair E Khak Ab Bhi
Soye Hun Munh Chupaye
Maan Sari Bibion Sy
Sharminda Ho Na Jaye
Har Ek Shaheed Ka Hai
Sar Bar Sare Sinaan
Dushwar Ho Gaya Hai
Gham Mein Tumhary Jeena
Ab Khali Goud Ja Kar
Maan Kya Kary Madina
Mujh Ko Wahin Bula Lo
Ay Laal Ho Jahan
Haye
Sansen To Chal Rahi Hain
Zinda Kahan Rahi Hai
Maan Zindagi Sy Apni
Azadi Chahti Hai
Mushkil Kusha Ho Tum Bhi
Khulwa Do Bairhian
Jangal Mein Aik Beta
Awaz Goonjti Hai
Yeh Soch Kar Bhi Madar
Maqtal Mein Ro Rahi Hai
Lagta Hai Dard Sy Tum
Lety Ho Siskian
Yeh Ujrhi Goud Beta
Kaisy Sukoon Paye
Halat Py Teri Maan Ki
Hansty Hain Sham Waly
Daman Mein Hain Tumhary
Jhooly Ki Lakrhian
Roty Thy Sab Takallum
Ek Maan Ny Jab Kaha Tha
Paigham Karbala Mein
Ja Kar Hawa Yeh Dena
Zindaan Ky Dar Py Ab Bhi
Bethi Hai Aik Maan
