Aise Hum Saqi-e-Kausar Ki Taraf Dekhte Hain
25/02/2022
Aise Hum Saqi-e-Kausar Ki Taraf Dekhte Hain.
Jis Tarha Piyase Samandur Ki dTaraf Dekhte Hain.
Yaad Aata Hai Humein Tera(13) Rajab Ka Manzar.
Jab Bhi Allah Tere Ghar Ki Taraf Dekhte Hain.
Khud Samaj Jata Hai Malik Ka Ishara Malik.
Bas Ali(AS) Malik-e-Ashtar(AS) Ki Taraf Dekhte Hain.
Ayatein Hoon Ya Muhammad(SAWW) Hoon Amaan Ki Khatir.
Fatima Zahra(SA) Ki Chadar Ki Taraf Dekhte Hain.
Jab Nusehri Mere Mula(AS) Ko Khuda Kehta Hai.
Hans Ke Salman(AS) Abuzar(AS) Ki Taraf Dekhte Hain.
Hosla Apna Barhane Ke Liye Mushkil Mein.
Anbiya(AS) Khud Ali Asghar(AS) Ki Taraf Dekhte Hain.
Ruk Ja Aye Maut Ziyarat Ka Maza Lene De.
Hum Abhi Chehra-e-Haider(AS) Ki Taraf Dekhte Hain.
Lafz Khud Aal-e-Muhammad(AS) Ki Sana Mein AKBAR.
Joor Kar Hath Sukhnwar Ki Taraf Dekhte Hain.
