17/06/2026

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

Ek Mashk E Sakina Ke Liye Bazu Kata Kar

Batees Baras Waar Diye Char Baras Par

 

Lasha Liye Godi Main Sada Deti Hain Zahra

Is Sher Ka Khoon Beh Gaya Pani Se Zyada

Abbas Ka Ehsan Hai Ye Aale Nabi Par

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Bazu Ko Qalam Dekh Kar Kehne Lage Mola

Ye Hath Mere Hath Main Baba Ne Diya Tha

Phir Soo E Najaf Dekh Ke Goya Hue Sarwar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Shabir Pe Sadqa Hua Shabir Ka Banda

Ya Fatima Zehra Mera Maqtool Ho Hadiya

Kehti Hain Baqiyaah Main Ye Abbas Ki Madar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Sadat Ki Ab Kon Bujhaye Ga Bhala Pyaas

Ek Gurz Laga Zeen Se Gire Khak Pe Abbas

Ye Sunte He Khaimo Main Bapa Hogaya Mehshar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Kyun Ho Na Dil E Abid E Beemar Ke Tukre

Qasim Se Zyada Thy Alamdar Ke Tukre

Turbat Bhi Bani Qabr E Sakina Ke Barabar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Majlis Kabhi Naam Jo Abbas Ka Ata

Ye Kahte Hue Uthta Tha Shabir Ka Beta

Qurban Chacha Ap Pe Ye Abid E Muztar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Ro Ro Ke Sada Deti Thi Ye Palne Wali

Abbas Hui Aj Se Jhooli Meri Khali

Tha Shor Bapa Khaima E Kulsoom Ke Andar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Kya Nehr Pe Guzri Hai Ye Kehti Thi Sakina

Kyun Khoon Main Dooba Hai Alam Mere Chacha Ka

Sheh Kehte Rahe Beti Ko Seene Se Laga Kar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Zainab Ko Ghareebi Ki Khabar Kaise Sunate

Mare Gaye Abbas Ye Kis Dil Se Batate

Sheh Kehte Rahe Choom Ke Hamsheer Ki Chadar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par

 

Laashe Ki Tarhan Hathon Pe Parcham Ko Utha Kar

Shabir Sada Dete Thy Rote Hue Akbar

Jaan War Doon Tujhpe Aye Mere Sher E Dilawar

 

Batees Baras Waar Diye Char Baras Par

Sar Choom Kar Abbas Ka Kehte Rahe Sarwar

Batees Baras Waar Diye Char Baras Par