16/01/2023
Janat Dar-e-Ghazi Se Zyada Tu Nahi Hai.
Aye Ishq Yeh Nuqsan Ka Soda Tu Nahi Hai.
Kis Dar Pe Qataron Mein Kharey Hain Yeh Farishtay.
Jibreel Yeh Abbas Ka Roza Tu Nahi Hai.
Kya Mashk-e-Sakina Mein Utha Le Gaye Abbas(a.s.).
Sahil Pe Faqat Rait Hai Darya Tu Nahi Hai.
Kat Kat Ke Gira Jata Hai Kyun Sham Ka Lashkar.
Ghazi Ne Abhi Dekha Hai Mara Tu Nahi Hai.
Firon Na Ban Ab Bhi Madad Le Le Jarri Se.
Tu Doob Raha Hai Abhi Doba Tu Nahi Hai.
Mah-e-Bani Hashim Nazar Aata Nahi Tujh Ko.
Tu Aqal Ke Andhay Kahin Andha Tu Nahi Hai.
Aapas Mein Yeh Dar Dar Ke Laeen Poch Rahe They.
Abbas Ka Larney Ka Iradah Tu Nahi Hai.
Har Saal Meri Maa Yehi Kehti Rahi Mujh Se.
Matam Abhi Zanjeer Ka Waisa Tu Nahi Hai.
Abbas Ne Seene Se Lagaya Hai Tujhey Hur.
Ab Our Koi Dil Mein Tamana Tu Nahi Hai.
Mosa Bari Unchayi Pe Hai Toor Tumhara.
Lekin Dar-e-Abbas Se Oncha Tu Nahi Hai.
Aata Hai Yeh Jab Ghar Mein Tu Uth Jate Hain Sajjad.
Yeh Hazrat-e-Abbas Ka Beta Tu Nahi Hai.
Jo Bhool Gaya Hurmat-e-Abbas Ko ..Sajjad..
Koi Mera Apna Bhi Agar Tha Tu Nahi Hai.
