17/06/2026
Mere ammu Abbas, Mere ammu Abbas x2
Jab pyaas badhi, pani na mila, to roke Sakina ne di sada
Aye mere chacha mai tum pe fida, Asghar hai mera kabse pyasa
Tum pyaaso ki saqqai karo, Dariya se hume pani lado
Sar chumke phir Shehzadi ka Abbas-e-Jari ne farmaya
La denge tumhe pani ye baccho ko btado x2
Hum neher pe jaate hai, aye Shehzadi dua do
Hum baithe hai do zaanu, Tum aage badho Bibi
Khud hathon se mashkeeza, kaandhe pe rakho Bibi
Aye pyaasi Sakina hume Saqqa to banado
Hum neher pe jaate hai, aye Shehzadi dua do
La denge tumhe pani ye baccho ko btado
Mai jau jo maidan me, teele pe chali aana
Khud dekhna aankho se, sahil pe mera jana
Tum roz hi kehti thi ke siffeen suna do
Hum neher pe jaate hai, aye Shehzadi dua do
La denge tumhe pani ye baccho ko btado
Allah kare jaldi, ye khatm udasi ho
Abbas ke hote bhi, seh-roz se pyasi ho
Mere bandhe hathon ko azad krado
Hum neher pe jaate hai, aye Shehzadi dua do
La denge tumhe pani ye baccho ko btado
Izhaar na ho paya, is quwate bazu ka
Majboor-e-itaat hai, dil phatta hai ammu ka
Lillah na ab kehna meri pyaas bujhado
Hum neher pe jaate hai, aye Shehzadi dua do
La denge tumhe pani ye baccho ko btado
Khidmat me bhatiji ki, kaam ayein mere baazu
Bil-farz jo dariya par, kat jayein mere baazu
tadpogi nahi Bibi yaqeen mujhko dilado
Hum neher pe jaate hai, aye Shehzadi dua do
La denge tumhe pani ye baccho ko btado
Ye rukhsat-e-akhir hai, Baba ko tujhe sonpa
Ab teeron ki barish me, jaata hai tera saqqa
Ek shor hai faujon mein kamar sheh ki jhuka do
Hum neher pe jaate hai, aye Shehzadi dua do
La denge tumhe pani ye baccho ko btado
Pur khoon Takallum jab, vo Mashk-o-Alam dekhe
Abbas ke bete ne, rokar kaha Bibi se
Baba ki tarah se hume Mashkeeza to lado
Hum neher pe jaate hai, aye Shehzadi dua do
La denge tumhe pani ye baccho ko btado
