16/01/2023

Har Nabi Hujat-e-Kibriya Hai.

Magar Fatima(s.a.) Fatima(s.a.) Hai.

Zikar Quraan Mein Sab Ka Howa Hai.

Magar Fatima(s.a.) Fatima(s.a.) Hai.

 

Panjtan Ko Bana Kar Khuda Ne Kaha.

Hai Mujasam Mashiyat Meri Mustafa.

Meri Marzi Ka Malik Ali Murtaza.

Meri Qudrat Hussain-o-Hasan Fatima(s.a.).

Khalq Panchon Ko Main Ne Kiya Hai.

 

Tujh Par Khul Jaye Ga Parh Hadees-e-Kisa.

Kis Tarha Panjtan Ka Taruf Howa.

Rab Ne Sabit Yeh Hum Fatima(s.a.) Se Kiya.

Aik Hi Zaat Hai Markaz-e-Innama.

Khud Muhammad Bhi Zair-e-Kisa Hai.

 

Ik Ki Khatir Haram Ko Sajaya Gaya.

Ik Ke Hujray Ko Qibla Banaya Gaya.

Ik Ke Betay Musalay Pe Aate Rahe.

Ik Ko Kabay Ke Andar Bulaya Gaya.

Umm-e-Haider Bhi Ik Fatima(s.a.) Hai.

 

Samarra Se Yehi Aa Rahi Hai Sada.

Lailatul Qadar Ko Kaun Samjhay Bhala.

Sare Masoom Hain Hujjat-e-Kibriya.

Hujjaton Pe Hai Hujjat Magar Fatima(s.a.).

Hum Mein Har Ik Hijab-e-Khuda Hai.

 

Main Taqabul Karon Kab Yeh Oqaat Hai.

Har Haqeeqat, Haqeeqat Ka Asbaat Hai.

Sirf Umm-e-Abeeha Woh Ik Zaat Hai.

Maa Muhammad Ki Hona Bari Baat Hai.

Bilyaqeen Aamina, Aamina Hai.

 

Aa Gayin Fatima(s.a.) Aa Gayin Fatima(s.a.).

Jibraeel-e-Ameen De Rahe Hain Sada.

Aa Gayin Fatima(s.a.) Aa Gayin Fatima(s.a.).

Aaj Khush Hain Bohat Ashraf Al-Anbiya.

Aa Gayin Fatima(s.a.) Aa Gayin Fatima(s.a.).

 

Gir Ke Qadmo Pe Sheh Ke Woh Kehta Raha.

Aye Ghafoor-o-Raheem Aye Sheh-e-Karbala.

Tera Mujrim Tere Robaro Aa Gaya.

Sheh Ne Seene Se Hur Ko Laga Kar Kaha.

Jurm Tera Bohat Hi Bara Hai.

 

Lanatein Kar Rahe Ho Abhi Tak Wasool.

Kya Howa Zulm Se Tum Ko Hasil Hasool.

Inn Ki Azmat Na Ki Tum Ne Dil Se Qabool.

Zalimo Phir Bhi Baqi Hai Nam-e-Batool.

Tum Ne Karna Tha Jo Kar Liya Hai.

 

Teri Muthi Mein Bagein Hain Konain Ki.

Tere Hathoon Mein Nabzein Hain Darain Ki.

Kun Tajali Tere Naam Ke Ain Ki.

Teri Mahkoom Madar Hai Hasnain Ki.

Ya Ali Tera Rutba Siwa Hai.

 

Umar Se Kam Nahi Hoti Azmat Kabhi.

Aik Bachi Se Iss Ki Sand Hai Mili.

Apni Dadi Ki Manind Hai Woh Jari.

Kamsini Mein Woh Shahi Ulat Kar Rahi.

Sin Bazahir Sakina Ka Kya Hai.

 

Bolay Fizza Se Qambar Zara Ghoor Kar.

Mere Maula Mein Hain Sab Khuda Ke Hunar.

Raat Bhar Madh-e-Haider Woh Karta Raha.

Wajad Tari Tha Fizza Pe Oss Dam Magar.

Oss Ne Sab Maan Kar Bhi Kaha Hai.

 

Shehanshahi Se Bhi Qeemati Hai.

Habash Ko Chor Kar.

Oss Se Munh Moor Kar.

Syeda Ki Yeh Jo Fizza Ne Ki Nokari Hai.

 

Dehar Mein Dekh Lo Har Jagah Par.

Bohat Mashoor Inn Ki Wafa Hai.

Ik Hain Abbas Our Ik Hain Fizza.

Farq Inn Mein Bhala Kaun Sa Hai.

Mujh Se Pocho Tu Farq Wafa Ka.

Ik Hai Chand Our Ik Chandni Hai.

 

Lakh Mana Gunahgar Hai Aadmi.

Hai Azadar Ki Hami Bint-e-Nabi.

Fatima(s.a.) Ke :TAKALLUM: Hain Mana Yehi.

Hum Ko Dozakh Mein Jane Na De Gi Kabhi.

Garchey Esiyaan Se Daman Bhara Hai.