28/07/2022
قاسم قاسم اے میری جاں قاسم
قرباں قرباں تُجھ پر ہو ماں قاسم
۱- میرے قاسم تیرے بنا میں کیسے جیوں
درد و غم ائے میوئے دل میں کیسے سھوں
تیرے مر جانے کی خبر میں کیسے سنوں
کھو کے تُجھ کو لعل میں زندہ کیسے رہوں
بیٹا بیٹا میں کیا کروں اے بیٹا
تنہا تنہا مجھ کو چھوڑا ہے تنہا
۲- کسنے میرے لختِ جگر کو قتل کیا
کسنے میرے نورِ نظر کو قتل کیا
کسنے میرے یکتا گہر کو قتل کیا
کسنے میرے رشکِ قمر کو قتل کیا
دنیا دنیا ہم سے پھر گئی دنیا
دُکھیہ دُکھیہ ہو گئی ہوں میں دکھیہ
۳- میرا ارماں تھا کے تمہاری شادی رچے
ایک دن آئے سر پہ تمہارے سہرا بندھے
اور تمہارے ہاتھوں میں بھی مہندی لگے
بن کے دولہا راج دلارا میرا چلے
قسمت قسمت ہائے رے میری قسمت
حسرت حسرت رہ گئی دل میں حسرت
۴- کانپ اٹھا میرا بدن جب میں نے سنا
جیتے جی ہی لعل میرا پامال ہوا
گھوڑوں کی ٹاپوں سے بدن ٹکڑوں میں بٹا
تشنہ لب میرا آہ بھی ہائے بھر نہ سکا
سرور سرور روئیں ہیں بہت سرور
نشتر نشتر دل پر وہ لگا نشتر
۵- ایک ماں کے بین سے آنکھیں سبکی ہیں نم
جسکے غنچہ بدن پہ ہیں ڈھائے کیا کیا ستم
کیسے ہو سکتا ہے بیاں یہ قصہ غم
کس طرح نوشاد کرے اس غم کو رقم
ماتم ماتم اے اہل عزا ماتم
پرنم پرنم آنکھوں کو کرو پرنم
