30/06/2026
Alamdar Alamdar
Maula Maula alamdar - 2
Sar-taapa wafa hai ye, sheron mein bhala hai ye
Haider ki sada hai Abbas
jauhar woh dikha dega
Kaatil ko mita dega, toofan bhi utha de Abbas
Yeh hai mera Abbas, Yeh hai mera Abbas
Yeh hai mera Abbas, Yeh hai mera Abbas
Salaari Alamdar
Sardaari Alamdar
Jarraari Alamdar
Qarraari...
Abbas ki hai isliye duniya ye deewani
Abbas ke hai khoon mein Haider ki jawani
Abbas dua-e-dil-e-Zehra ki nishaani
Abbas mein Hasnain ke jazbon ki rawaani
Lagta hai Ali... Lagta hai Ali aa gaye duniya mein dobara
Yeh hai mera Abbas, Yeh hai mera Abbas
Yeh hai mera Abbas
Dekha na jahan walon ne yex shaan ka Ghazi
Ye le gaya duniya ke dileron se bhi baazi
Karte hain salaam iski ibaadat ko namaazi
Kya gham hai ye rutba ke Hussain isse hai raazi
Woh sher-e-jaree... Woh sher-e-jaree hai jo kisi se nahi haara
Yeh hai mera Abbas, Yeh hai mera Abbas
Yeh hai mera Abbas
Hai kaun jo har tarah mukammal nazar aaye
Hai kaun jo har rishta-e-ehsaas nibhaye
Hai kaun jo maqtal ko wafaon se sajaye
Hai Kiska alam jiske hai phaile hue saaye
Baazu bhi nahi... Baazu bhi nahi phir bhi hai duniya ka sahara
Yeh hai mera Abbas, Yeh hai mera Abbas
Yeh hai mera Abbas
Jab gher tha Abbas ko woh lashkar-e-keena
Abbas ke seene mein dhadakti thi Sakina
Seene pe kabhi mushk, kabhi mushk pe seena
Jab paani hi beh jaaye toh phir kaahe ka jeena
Ab zinda palatna... Ab zinda palatna nahi, Ghazi ko gawara
Yeh hai mera Abbas, Yeh hai mera Abbas
Yeh hai mera Abbas
