08/08/2021
habib ibne mazahir ka gham manayein ge
ham un pr royein ge farshe aaza bichaye ge
rafiqoon dost hai ye bhi husain bekas ke
wafayein un ki bayan kr ke ham rulayein ge
likha tha khat unhe sheh ne behn ke kehne se
ke shah jaante the ye madad ko aayen ge
unhi ka qaol tha jis dam suna tha shah ka hall
khizab sar ke lahu se bas ab lagayen ge
unhi ke marne se chehra utar gaya sheh ka
unhi ke gam mein ham anso bhout bahayen ge
salam kehti hai zainab sunen ge ye jis dam
to apne muh pe tamache yahin lagayen ge
salam mujh ko kahe dukhtre ameer aarab
yhi kahen ge aor ashke alam bahayen ge
adab se choomen ge ye khat husain bekas ka
rakhe ge sar par bhi ankho se bhi lagayen ge
namaz teri na hogi qubol ai maloon
husain se ye kahe ge jo ran mein aayen ge
kahe ge sheh se ke izn-e-wiga ho jald aata
zuban se dushman e deen ke na zakm khayen ge
karein ge jaang budhape mein nusrate haq
girenge khaq pe talwar sar pe khayen ge
sada ye denge fida shah pr gulam hua
Sarhane dost ke lashe pa shah aaenge
zami-n-garam me rehne na denge ai waez
husain dost ki mayyat ko khud uthaenge
