08/08/2021
Zainab ke laal aor malaik ke khuzaade
dekhe to koi aun-o-mohammad ke irade
aankho mein hai simti hui duniya-e-shujaat
bal zulf mein aor zere kadam jung ke jade
nikle hai bachane ke liye deen ki kashti
iss nusrate haq ka inhein allah sila de
dariya ki taraf jung mein ye ja nahi sakte
samjhe hue hai hazrat zainab ke irade
be jaan diye palte na ab aun-o-mohammad
mamu pe fida ho gaye eema je khuzaade
jaage hai ye raatoon ko ibbadat mein khuda ki
maidan mein aaraam se ai mout sula de
maqtal mein hai aor maa ki muradoon ke pale hai
hai kon jo marte hue daman ki hawa de
dekhe koi iss maa ka zara sabar-o-tahmul
jo haq ke liye beto.n ko marne ki raza de
beto.n ke jo sar dekhe to farmati hai zainab
iss nusrate shabbir ka mabood sila de
ai Fazl woh shayar hai husain ibne ali ka
ashar ki taqat se jo duniya ko hila de
