Ye kisne keh diya tum Haidar-E-Karrar ko samjho
05/03/2023
Ye kisne keh diya tum Haidar-E-Karrar ko samjho
Khuda ki di hui talwar ko aor waar ko samjho
samajhna ghair mumkin hai Ali(as) ki zaat ko waez
Abhi tum daar ko aor Meesam-E-tammar ko samjho
Haram me aamad-E-Haider pe choro tabsire karna
faqat kaabe ko dekho aor dar-Odeewaar ko samjho
Zamie-E-Karbala se shaam tak kaanto.n ko mat dekho
muqabil dushmano ke sher ki raftaar ko samjho
ye mat socho ke zainab kis tarah darbar tak pahochi
faqat darbar me ab Haideri lalkar ko samjho
Zamine-E-Karbala husne-E-Ali-Akbar(a.s.) ka chehra hai
Abhi Yousuf pe thehro misr ke bazaar ko samjho
agar Abbas(a.s.) ko socha to pagal ho bhi sakte ho
samajhdari yahi hai tum abhi mukhtar ko samjho