09/07/2026
Le Li Zainab Se Jo Shabbir Ne Maqtal Ki Raza,
Ho Ke Rukhsat Chale Khaime Se Shah-e-Karb-o-Bala.
Pehle To Thaam Liya Baap Ka Daman Aur Phir,
Jod Kar Haathon Ko Masoom Sakina Ne Kaha,
Haaye Baba Mere Baba, Haaye Baba Mere Baba.
Aakhiri Baar Kaleje Se Laga Lo Baba,
God Mein Apni Sakina Ko Utha Lo Baba.
Aap Ke Saath Meri Neend Chali Jaayegi,
Phir Kabhi Laut Ke Aankhon Mein Nahin Aayegi.
Apne Seene Pe Phir Ek Baar Sula Lo Baba.
Kitne Din Beet Gaye Chhode Hue Apna Watan,
Dil Tadapta Hai Mera Yaad Jo Aati Hai Behan.
Ab To Sughra Ko Madine Se Bula Lo Baba.
Ja Rahe Ho To Mujhe Itna Batate Jana,
Neend Aayegi Sakina Ko Kahan Par Tanha.
Jaate Jaate Mujhe Seene Pe Sula Lo Baba.
Maine Akbar Ke Kaleje Ko Nikalte Dekha,
Khoon-e-Besheer Ko Bhi Maine Ubalte Dekha.
Dam Nikal Jaayega Mera, Mujhe Sambhalo Baba.
Main Judai Ka Ye Sadma Na Utha Paungi,
Yaad Mein Aap Ki Ghut Ghut Ke Main Mar Jaungi.
Aur Kuch Der Mere Naaz Utha Lo Baba.
Baap Se Ro Ke Sharafat Ye Sakina Ne Kaha,
Chhod Kar Mujhko Yahan Ran Ko Na Jao Tanha.
Laaj Rakh Lijiye, Meri Baat Na Taalo Baba.
Aakhiri Baar Kaleje Se Laga Lo Baba.
