Qafila Hussain Ka
09/07/2026
Rakh Ke Dosh Pe Alam Azm Kar Barha Qadam
Kar Yaqeen Tujhse Door Aaj Bhi Nahi Hua
Qafila Hussain Ka
Haq Pasand Hai Agar Aur Der Ab Na Kar
Intezar Kar Raha Hai Haq Ki Rah Par Khada
Qafila Hussain Ka
Gham Na Kar Hui Hai Bhul Kar Koi Khata Agar
Ek Baar Aankh Band Karke Hur Ko Yaad Kar
Wo Sakhi Hussain Hai
Fatima Ka Chain Hai
Kashtiye Nijaat Usko Mil Gayi Jisey Mila
Qafila Hussain Ka
Jaun Ka Lahu Karega Tera Hausla Buland
Khul Ke Bol Zulm Ke Khilaaf Kar Sada Buland
Wahab Se Junoon Le
Qalb Ka Sukoon Le
Zalimo Ko Laake Tere Samne Jhukayega
Qafila Hussain Ka
Begunah Qatl Ho Rahe Hain Tu Khamosh Hai
Sahebuz Zaman Ro Rahe Hain Tu Khamosh Hai
Gaflaton Ko Chhod De
Khud Ko Unse Jod De
Apne Hamiyon Ko De Raha Hai Aaj Bhi Sada
Qafila Hussain Ka
Do Jahan Me Sirf Aisa Ek Hi Hai Karwan
Apna Ghar Luta Ke Jo Basaye Deen Ki Bastiyan
Marziye Khuda Hai Ye
Seedha Rasta Hai Ye
Bandagi Ki Qayanat Me Misaal Ban Gaya
Qafila Hussain Ka
Aye Nadeem Soch Kya Jawab Dega Tu Unhe
Hashr Me Agar Imame Asr Tujhse Puchh Len
Kaisa Intezar Tha
Kya Ye Mujhse Pyar Tha
Nafs Ke Aseer Tune Kis Liye Nahi Chuna
Qafila Hussain Ka
