22/07/2023
Ali (as) ki ladli ghabra rahi hai
Shabe aashur dhalti ja rahi hai
Zameen chup hain falak sahma hua hai
Dil e Zainab (sa) paresha'n ho raha hai
Ghata zulmo sitam ki cha rahi hai
Shab e ........................................
Qaza ki zad peh Zahra (sa) ka chaman hai
Hussaini qafela tashna dahen hai
Lahu chashm e falak barsa rahi hai
Shab e ..........................................
Jidhar dekho nazar aata hai lashkar
Ajab pur hole hai sahra ka manzar
Yazeedi fauj simti aarahi hai
Shab e....................................
Kabhi Aoun o Muhammad (as) ko bulaya
Kabhi seene se Akbar (as) ko lagaya
Kabhi Abbas (as) ko samjha rahi hai
Shab e ......................................
Shah e wala ko khaime main bula kara
Bahen kahne lagi aansu bahakar
Hamen surat ajal dikhla rahi hai
Shab e ..........................................
Rasool e paak ki masnad bicha kar
Ali Akbar (as) ko pahlu main bitha kar
Sukoon e qalb Zainab (sa) pa rahi hai
Shab e ...........................................
Kare kya shah ki humsheer aakhir
bachi hai kaun si tadbeer aakhir
kali gulshan ki ab kumla rahi hai
Shab e ....................................
Khamoshi dasht main chai hui hai
Sakina (sa) aaj ghabrai hui hai
Sadaye'n al atash bas aarahi hai
Shab e ....................................
Kabhi soti hai seen e par Sakina (sa)
Kabhi roti hai ghut ghut kar Sakina (sa)
Kabhi baba se kuch batla rahi hai
Shab e .......................................
Kabhi gahwaray e Asghar (as) jhulakar
Kabhi godi main bhai ko utha kar
Sakina (sa) khud ko you'n bahla rahi hai
Shab e .............................................
Qalam KHURSHEED ka likhta rahega
Gham e Shabbeer (as) ka dariya bahega
Gohar fikr e Raza barsa rahi hai
Shab e ....................................