18/06/2026
HAIDER-E-KARRAR A.S MADAD
Ya Ali a.s
Yeh Kis Ne Kaha, Zinda Rahein Ge To Kahein Ge
Hum Naam-E-Ali Le Ke Marein Ge To Jiyein Ge
Meri Sanson Mein Ali, Hai Nigahon Mein Ali
Meri Dhadkan Ki Sada Seene Mein Har Dum Boli
HAIDER-E-KARRAR A.S MADAD YA ALI
Karbala Walon Ne Yeh Baat Bhi Sabit Kar Di
Ya Ali Jaan-E-Ukhoowat Hai Wilayat Hai Teri
Ek Lashkar Mein Lade John Zuhair Aur Wahab
Faisla Ho Gaya Yeh Jang Nahi Mazhab Ki,
Ya Hussaini Hai Koi Ya Yazidi Hai Koi
Aao Phir Mil Ke Sada Dete Hain Shia Sunni
HAIDER-E-KARRAR A.S MADAD YA ALI
Jang Ke Baad Phir Ek Jang Ki Tayyari Hai
Asal Mein Karb-O-Bala Aaj Talak Jaari Hai
Ek Sayyed Ki Shahadat Ne Bataya Sab Ko
Ek Ghulam Aaj Bhi Lakhon Ke Liye Bhaari Hai
Maut Se Kya Darna Ek Din Hai Marna
Wird Yeh Jaari Rahe Chahe Ho Gardan Pe Chhuri
HAIDER-E-KARRAR A.S MADAD YA ALI
Salam Ya Ali Madad
Salam Ae Shaheedon As-Salam
Khoon Sey Apne Shama Deen Ki Jalai Tum Ne
Asl-E-Islam Ki Tasveer Dikhai Tum Ne
Kar Diya Waqt Ke Firaun Ko Tum Ne Ruswa
Aur Ali Walon Ki Izzat Hai Badhai Tum Ne
Haq Ada Tum Ne Kiya Nara E Haider Ka
De Di Haq Ke Liye Yeh Kehte Hue Jaan Apni
HAIDER-E-KARRAR A.S MADAD YA ALI
Tu Ne Poochi Hai Imamat Ki Haqeeqat Mujh Se
Haq Tujhe Meri Tarah Sahib-E-Asraar Kare
Hai Wohi Tere Zamane Ka Imam-E-Barhaq
Jo Tujhe Hazir-O-Maujood Se Bezaar Kare
Kiya Thi Khybar Yeh Tumhein Yaad Dilaye Ga Wahi
Kaise Larte The Ali Lar Ke Dikhaye Ga Wahi
Us Ke Hamle Se Na Bach Paye Ga Koi Marhab
Zulfiqar Ab Bhi Hai Khoon Khaar Bataye Ga Wahi
Fatima Zahra Ka Hai Jalali Beta
Mehdi Yeh Kehte Hue Tode Ga Tu Dushman Ki Nali
HAIDER-E-KARRAR A.S MADAD YA ALI
Ek Lamhe Ke Liye Aankhein Karo Band Apni
Main Dikhata Hoon Tumhein Kaisi Thi 61 Hijri
Woh Mohammad Ka Nawasa Tha Hussain Ibne Ali
Jis Ne Sar De Diya Zalim Ki Nahi Bai'at Ki
Bhai Bhi Maara Gaya Dafn Asghar Ko Kiya
Laash Yeh Keh Key Uthai Thi Jawa'n Betey Ki
HAIDER-E-KARRAR A.S MADAD YA ALI
Wada Nana Se Kiya Tha Jo Nibhaya Us Ne
Apna Sab Waar Diya Deen Bachaya Us Ne
Qatl Jab Ho Gaye Maidan Mein Saare Nasir
Hosla Dene Lagi Karb-O-Bala Ki Nashir
Bhai Se Kehne Lagi Saath Abhi Hai Zainab
Kya Hua Bhai Agar Qatl Hue Pyaare Sab
Aaj Abbas Nahi Koi Bhi Paas Nahi
Jab Sawar Aa Key Kiya Bhai Ko Zainab Boli
HAIDER-E-KARRAR A.S MADAD YA ALI
Khanqaho’n Se Nikal Aao Imamat Ke Liye
Aane Wala Hai Alamdar Qayamat Ke Liye
Naam Par Jis Ke Ziyarat May Jhukate Ho Sar
Takht Tayyar Hai Ab Us Ki Nizamat Ke Liye
Socho Darvaish-E-Aza Aur Zeeshan Zara
Waqt Kya Hoga Wo Jab Keh Ke Lade Ga Mehdi
Haider E Karrar Madad Ya Ali
