02/08/2023
Haye Abbas , Haye Abbas
Lash Abbas Ki Sarwar Se Uthai Na Gayi
Laash Tukron Me Thi Ik Jaa Pe Samai Na Gayi
Lash Abbas Ki Sarwar Se Uthai Na Gayi
Bhai Ki Laash Pe Kehte The Yeh Mazloom Hussain
Mujh Se Baba Ki Ye Tasweer Bachai Na Gayi
Lash Abbas Ki Sarwar Se Uthai Na Gayi
Sheh Ne Akber Ko Bula To Liya Maqtal Me Magar
Kehfiyat Bhai Ki Betay Ko Batai Na Gayi
Lash Abbas Ki Sarwar Se Uthai Na Gayi
Mashq Se Paani Baha Kat Gaye Abbas Ke Hath
Tishnagi Baali Sakina Ki Bujhai Na Gayi
Lash Abbas Ki Sarwar Se Uthai Na Gayi
Haye..!
Yeh To Ghurbat Hai Tere Laal Ki Ae Umm E Rubab
Warna Naizay Pe Koi Laash Uthai Na Gayi
Lash Abbas Ki Sarwar Se Uthai Na Gayi
Dekh Kar Laasha E Qasim Ko Yeh Farwa Ne Kaha
Aesi Baraat Kisi Bulha Ki Ayi Na Gayi
Lash Abbas Ki Sarwar Se Uthai Na Gayi
Kardiye Bhai Pe Qurban Pisr Zainab Ne
Phir Kabhi Rasam Ye Duniya Mai Nibhai Na Gayi
Lash Abbas Ki Sarwar Se Uthai Na Gayi
Choda Sadiyun Se Bahatay Hain Samandar Anso
Aag Sadaat Ke Khaimo Ki Bujhai Na Gayi
Lash Abbas Ki Sarwar Se Uthai Na Gayi
Baad E Shabbir Hua Seena Ba Seena Matam
Ghar Mai Sadaat Ke Phir Eid Manai Na Gayi
Lash Abbas Ki Sarwar Se Uthai Na Gayi
Run Se Har Aik Ke Lashe Ko Utha Laye Hussain
Lash Shabbir Ki Haye, Maqtal Se Uthai Na Gayi
Lash Abbas Ki Sarwar Se Uthai Na Gayi
Haye.. !
Jaise Maa Roti Hai Kuch Aaise Sakina Roi
Laash Mazloom Ki Beti Se Churai Na Gayi
Lash Abbas Ki Sarwar Se Uthai Na Gayi
Jis Tarhan Ibn E Mazahir Ne Nibhai Yasir
Dosti Aesi Kisi Se Bhi Nibhai Na Gayi
Lash Abbas Ki Sarwar Se Uthai Na Gayi