09/03/2026
Zainab Ka Tha Noha Baba Mere Baba.
Main Zainab Hoon Pehchano Zara Aankhein Kholo Zakhmi Baba.
Kyun Suntay Nahi Beti Ki Sada Aankhein Kholo Zakhmi Baba.
Hazrat Ka Musalla Hai Khali Kiya Subha Qayamat Aayi Hai.
Soraj Ko Jagatay They Tum Tu Ab Neend Yeh Kaisi Aayi Hai.
Main Kab Se Hilati Hoon Shana Aankhein Kholo Zakhmi Baba.
Qurban Main Oss Ki Ghairat Ke Khamosh Tumhara Beta Hai.
Dehleez Pe Hujray Ki Kab Se Sar Apna Jhukaye Betha Hai.
Abbas Pe Tari Hai Sakta Aankhein Kholo Zakhmi Baba.
Logon Ke Dilon Mein Aaj Talak Sab Badar-o-Ohad Ka Keena Hai.
Amma Bhi Nahi Ab Tum Bhi Nahi Phir Kis Ke Saharey Jeena Hai.
Youn Chor Ke Mat Jao Tanha Aankhein Kholo Zakhmi Baba.
Ik Bar Utho Inn Se Pocho Bagi Tu Nahi Bolein Gay Mujhe.
Bin Aap Ke Jab Main Aaon Gi Pathar Tu Nahi Marein Gay Mujhe.
Inn Kofiyon Se Le Lo Wadah Aankhein Kholo Zakhmi Baba.
Shano Ko Chom Ke Kehte They Be Reham Zamana Hai Zainab.
Khamosh Hoye Itna Keh Kar Darbar Mein Jana Hai Zainab.
Tafseel Bata Do Our Zara Aankhein Kholo Zakhmi Baba.
Amma Ki Niyabat Karti Hoon Main Bholi Nahi Hoon Mansab Ko.
Maloom Hai Ghairat Daar Ho Tum Parday Ka Khiyal Hai Zainab Ko.
Mojood Hai Mere Sar Pe Rida Aankhein Kholo Zakhmi Baba.
Kya Likhon Janazay Ka Manzar Ik Hashar :TAKALLUM: Tha Har So.
Aankhein Tu Na Kholein Zair-e-Kafan Aankhon Se Niklay They Aanso.
Taboot Pe Jab Beti Ne Kaha Aankhein Kholo Zakhmi Baba.
