26/02/2023
Dastan e Shuja’at ka daraein mein aik bay misl kirdaar Abbas as hai
Hain Ali kay athaara hi betay Ali par sabhi mein Alamdar Abbas hai
Sahib e takht e aqleen ghairat hai ye
Aur chiraag-e-hareem-e-sharafat hai ye
Dor e shehwar e behr e sakhawat hai ye
Haq to yeh hai ke haq ki haqeeqat hai ye
Wo duaein jo Bibi(sa) nay sajdon mein ki un duaon ka maya’ar Abbas hai
Dastan e Shuja’at ka daraein mein aik bay misl kirdaar Abbas hai
In kay lehjay mein Hashim ki hashmat bhi hai
In kay tewar mein Hamza ki haibat bhi hai
Har adaa in ki Imran ka aks hai
In ki baahon mein Jaffar ki taaqat bhi hai
Pyaar hai Mustafa ka Hussain o Hassan
Aur Hasnain ka pyaar Abbas hai
Dakhl-e-azmat ka shireen samar hai yehi
Ismaton kay sadaf kay gohar hain yehi
Noor ki sidratul muntaha hai yehi
Hashmi asmaan kay qamar hain yehi
Jin kay saaye mein Akbar bhi paltay rahay
Husn ka aisa minaar Abbas hai
HalAta Innama ke jo misdaq hai
wo bhi Ghazi Ke aane ke mushtaq hai
Arsh se farsh tak inki jaagir hai
Sari makhlooq inki gadageer hai
Jo Ali ki shujaat ka waris bhi hai
Aisa Aala zamidaar Abbas(as) hai
Raah-E-Haq ka bahot hai kathin raasta
raaste ke liye rehnima chahiye
Khuld ke raaste ko hai jo jaanta
Us Ali(as) ka hame aasra chahiye
Qabr kya hai andhera sa ghar hai jaha
marefat ke siwa koi sapna nahi
wo bahot hi andheri jagah hai waha
koi yawar nahi koi apna nahi
tumse milne lehed me Ali(as) aaenge
bolo tanhai me aor kya chahiye
Kulle Imaan ke baap ka tazkera
Ain-E-Islaam hai Ain-E-Imaan hai
Kuch musalman kehte hai kafir hai wo
Kafiro.n ne kaha wo musalmaan hai
Iiska pehlu badalna Ibadat hui
Iske daman ko chukar taharat chali
mera mola bhi sare jaha ka wali
Ek Allah wali Ek banda Ali
Jiske bete ko logo ne Allah Kaha
Pooch khaliq se wo kaisa insan hai.
Dastan e Shuja’at ka daraein mein aik bay misl kirdaar Abbas hai
Recited By- SHAIR ABBAS
