29/01/2024
Shafa-e-Mehshar Mera Bhai, Saqi-e-Kausar MAIN.
Sabse Aala Meri Zauja, Uska Humsar MAIN.
Mujhko Mitaana hai toh Mitaao Pehle Sura-e-Hamd.
Sura-e-Hamd me Poshida hoon Nuqta ban kar MAIN.
Ek faqat Qur'aañ hi nahin hai Mera Midhat-Khwaañ.
Tawrayt aur Injeel me bhi hoon Waraq-Waraq par MAIN.
Maazi Ka Aaina Dekho, Chashm-E-Baseerat se
Az Aadam ta Daur-E-Mohammad(a.s.) Manzar-Manzar MAIN.
Mere hi Naamo.n ki sada har daur me goonji thi
Kahi Ali(a.s.) hoo.n kahi.n Eliya kahi par Haider MAIN.
Mere Laqab ka Ghaasib, Kaazib, Ibn-e-Kaazib hai.
Faatah-e-Khaiber Mera Laqab, Siddeeq-e-Akbar MAIN.
Dosh-e-Nabi par Meri bulandi ka yeh Aalam tha.
Chhoo sakta tha Arsh ka Taara Haath badhaa kar MAIN.
Chhoo sakta tha Arsh ka Taara, Phir bhi kyun Chhoota?
Usko jab Bulwa leta hoon Apne Dar Par MAIN.
