Jume ke din Khushbu lagana (Khushbu/Itr/Perfume)
23/10/2026
Imam Ali Reza (a.s) Farmate Hai,
Jumme Ke Din Mustahab Hai Ke Mard Behtareen Khushbu Lagaye.
Imam Musa Kazim (a.s) Farmate Hai,
Itr lagana Aur Khushbu Se Istefada Karna Anbiya Ke Akhlaaq Me Se Hai.
Imam Jafar Sadiq (a.s) Farmate Hai,
Khushbu Ke Liye Kharch Karna Israaf Nahi.
Rasool e Khuda (s.a.w.w) Farmate Hai,
Khushbu Soonghna Meri Sunnat Hai Aur Jo Bhi Meri Sunnat Se Muh Mode Wo Mujh Se Nahi Hai. Neez Ye Bhi Farmaya Ke Jumme Ke Din Khud Ko Khushboo Kare Chahe Apne Hamsar Ki Itr Ki Shishi Kyu Na Ho Aur Neez Farmaya Hadiya Qubool Karo Aur Behtareen Hadiya Itr Aur Khushbu Hai. Wazan Bhi Kam Hai Aur Khushbu Bhi Hoti Hai.
Imam Ali Reza (a.s) Taaza Agarbatti Ke Dhue Aur Fir Gulaab Aur Musk Se Istefada Karte The.
Imam Jafar Sadiq (a.s) Farmate Hai,
Mardo ka Itr Ziyada Khushbu Waala Aur Kamrang Hota Hai Lekin Aurto Ka Itrr Pur-rang Aur Kam Khushbu Waala Hota Hai.
Al Kafi, vol 6, page 512, 51
Daaimul Islam, vol 2, page 166
