30/08/2021
ARBAABE E AZA
Zahra o Mohammad Ki Chaahat Ka Sila Hain Hum
Tasleem o Riza Hain Hum
Raazi Ba Riza Hain Hum
Bujh Saktay Nahin Hargiz, Misbah e Aza Hain Hum
Zahra Ki Dua Hain Hum
Arbaab e Aza hain hum, Arbaab e Aza hain hum, Arbaab e Aza hain hum
Sad shukr zahe qismat
Zahra ki dua hain ham
1) Jitna bhi muqaddar par
Ham naaz karen kam hai
Ek hath me quraa'n hai
Ek hath me parcham hai
Khallaq e do aalam ki
Makhsoos ata hain ham..
2) Ey kaash paye Nusrat ham karbobala hote
Akbar se kahee'n pahle Asghar pe fida hote
Is dil ki tamanna ka khud aik gila hain ham...
3) Nikle jo Najaf se ham Ghazi ka alam lekar
Raho'n ne qadam choome barzakh tha pase manzar
Mahsoos hua us dam ye khud ko ke kya hain ham...
4) Jab karbobala pahunche har fard hamara tha
Jis samt nazar daali jannat ka nazara tha
Tab dil me khayal aaya shaahon se siwa hain ham...
5) Wo Qom hain ham jiski Ahmad ne Basharat di
Dard e Dil e Zahra ko jis Qom ne rahat di
Pahchano jahaa'n walo tahreek e aza hain ham
6) Har roz tadapte hain Shabbir ki ghurbat par
Phirte hain nigaho'n me aashoor ke sab manzar
Bhoole hain na bhoolenge az karbobala hain ham...
7) Ham logo'n ki qismat me rakkha gaya shah ka gham
Kaise na bichhaye phir ghar ghar me saf e matam
Sach ye hai ke zahra ki makhsoos dua hain ham
8) Asif nahi socha tha ummat bhi dagha degi
Be jurm aseero'n ki durro'n se khabar legi
Sab bhool gaye hashim Tasleem shuda hain ham..
